[A:36]po rnams so/ /gcung po spun drug ni lha bcad dang g.yu can gnyis/[B:36a]
da ra dang lhun po gnyis/ 'od btsan dang gung btsan gnyis te drug go/ /
phyi ma gnyis kyi rgyud pa ni khra 'brug bying / byar/ chu mig gog po na yod pa'i lha nams so/ /g.yu can gyis bya sa bzung / de'i sras jo dga'/ de la sras gsum yod pa'i che ba bya sa lha chen du grags pa ste 'dis bya sa'i lha khang bzhengs/ sras gnyis pa khri dar ma la gtsug lde/ khri gtsug jo bo rnal 'byor/ jo bo smon lam dang sras bzhi byung / jo bo rnal 'byor gyis 'ban tshigs bzung zhing / smon lam gyis spu gu rdo'i gzim khang dkar po brtsigs te bzhugs/ khri gtsug gis bya sa dang dpe sngon bzung zhing / de nas rgyud pa yar mda' ba'i lha rnams [B:37]yin/ jo bo rnal 'byor la jo 'bag lha chen/ lha ngam shod pa ste sras gsum byung /
gnyis pas 'chad spyil gyi gdan sa mdzad de lha lung gi dbang phyug ces grags/ jo 'bag la/ jo bo shAkya mgon/ lha 'gro mgon/ lde po lde chung / jo rgyal te sras lnga byung / /nyis pas 'chad spyil gyi gdan sa mdzad pa gzhan don 'phrin las che/ dang pos gcung rnams tha dad du phog nas pho brang gnas chung btab/ de'i sras jo bo shAkya bkra shis kyis pho brang rnying ma brtsigs/
chos rgyal pho brang la zer/
de la lha brag kha ba dang / mnga' bdag grags pa rin chen te sras gnyis byung ba mnga' thang dpal 'byor shin tu che/ phyi ma de la sras gsum 'khrungs pa'i che ba blo gros 'od sde 'dis kyang 'chad [B:37a]spyil gyi gdan sa mdzad/ chung ba lha btsun tshul khrims bzang po ste/ gdan sa thel du rab tu byung zhing rgyal