[A:42]'di'i rjes su 'brangs
te phyi ma 'di legs so/ /de'i tshe [B:42a]lo chen rin bzang rab byung mdzad nas lo brgyad 'da' 'dug pas bstan pa byung ba dbus gtsang las mnga' ris snga ba yin 'dug dbus gtsang du bstan pa byung nas lo re lnga pa chu rta la jo bo mnga' ris su byon/ de nas lo brgya dang gsum pa shing byi la kha che paN chen bod du byon/ de nas lo bzhi bcu rtsa gcig pa shing 'brug la chos rje sa skya pa gong du byon/ de nas la nyi shu rtsa gnyis pa shing glang la 'gro mgon 'phags pa gong nas snga res dbus su byon/ lo 'di rgyal po khri dar ma shing glang la bkrongs pa nas drug cu skor lnga song ba de yin/ de nas deng sang gi sa khyi 'di yan la lo nyis brgya bcu bzhi song / /
rgya nag dang hor gyi rgyal rabs bshad pa la gnyis/
dang po ni rgya nag gi rgyal po la snga ba ci'u zhes pa byung / 'di bcom ldan 'das [B:43]kyi mes rgyal pomes po gzhu tan dang dus mnyam/ de nas rgyal rabs bzhi song ba na ci'u dbang rgyal zhes pa rgyal sar bton nas lo nyi shu rtsa bzhi pa shing pho stag gi lo la sang sa rgyas 'jig rten du byon
de'i tshe rgya nag gi yul 'od kyis khyab
phyis ci'u yi rgyal rgyud sum cu rtsa drug byung bas lo brgya'i bar du rgyal srid bzung / de rjes gan rgyal po pha'u gnyis dang /
de nas han gyi rgyal rgyud bcu gnyis rim par byung / de nas i mang zer ba'i blon po zhig gis rgyal sa phrogs te lo 'ga' bzung / de nas han gyi