[A:43]rgyal rgyud gcig gis i mang bsad nas rgyal sa bzung / de'i bu han man ti rgyal po zhes pas rgyal sa bzung ba'i dus/ rgya nag tu sangs rgyas kyi bstan pa byung ste| bod du bstan pa byung ba las ches snga ba yin/ de nas han gyi rgyal rabs nyi shu rtsa bzhi pa han ste rgyal po'i [B:43a]dus su blon po zhig gis rgyal sa phrogs nas mi rabs lnga'i bar du bzung / de'i lag nas yang kho rang gi blon po zhig gis rgyal sa phrogs/ de'i rjes su hi'u tsing gi rgyud pa dung tsing dang / bsi tsing gnyis byung ba'i phyi ma 'di'i dus su tsan dan jo bo len du btang / lon dus bsi tsing 'das nas mi dpon ching sang bya bas tsan dan jo bo len pa po'i dmag dpon des/ bsi chon dang / tsi'u mkhar nyi shu rtsa bzhi'i bdag byas nas rgyal srid logs su bskyangs/ phyis ching sang rgyud kyi rgyal pos dmag dpon rgyal po'i rgyud pa'i lag nas tsan dan jo bo lon te mchod par snang / me long mar ni tsan dan jo bo dang jo bo shAkya mu ne gnyis ka bsi tsing gi dus su byon par bshad de 'brel ba med do/ /tsan dan jo bo 'di da lta rgya nag gi sa cha 'dir bzhugs kyi gtam ni su la yang yod par ma thos/ byon [B:44]pa'i lo rgyus ni sangs rgyas nga mya ngan las 'das nas lo stong na sku 'dis rgya nag gi yul du sems can gyi don byed par 'gyur ro/ /zhes lung bstan pa nyid kyis shes/
'di dang shing stag la sangs rgyas 'khrungs pa rgya'i
dus 'khor sogs dang mi 'dra
rtsis la shar ba gnyis la rtsis gzhi mdzad nas/ bla ma 'phags pas pho brang du bstan pa'i rtsis mdzad/ phyis chu mig chos 'khor dus rtsis rgyal po lugs kyi bstan rtsis la gzhi mdzad
pa las ni 'das lo nyung