[A:45]kun bsad nas/ rgya'i rgyal khams mi nyag gis bdag byas/ de'i ming yang pha'i ming nas sbyar te se'u rgyal po zhes grags/ de nas mi nyag gi rgyal po rgya rgod yan la rgyal rabs drug byung zhing lo nyis brgya drug cu'i bar mi nyag gi bstan pa byung ba yin no/ /[B:45a]
gnyis pa hor gyi rgyal rabs bshad pa la gnyis/ dngos dang /
slar yang rgya'i bstan pa byung tshul lo/ / dang po ni hor gyi rgyal po la snga ba gnam gyi bu spor ta che ste/ rgya nag tsi'u rgyal po las nam dus phyi bar mngon/ de nas bzung ste tha'i dzung jing gin rgyal po'i bar rgyal rabs nyi shu rtsa gnyis kyi ring ni mtha' khob kyi rgyal khams la dbang bsgyur ba'i mi bdag yin pa ma gtogs chos spyod pa'i rgyal por mi snang la/ 'di'i rjes su hor jing gin rgyal po byon pa/ rgya dang bod dang mi nyag gi rgyal khams thams cad 'og tu bcug cing / lo nyi shu rtsa gsum gyi ring rgyal srid chos kyis bskyangs te/ dgung lo re gcig pa chu stag la 'das/ lo 'di chos rje sa skya yang re gcig pa yin/ rgyal po de'i sras go tan gyis rgyal [B:46]srid lo drug bskyangs/ de nas bzung ste sa skya pa dang yon mchod du 'brel/ de'i sras go yug rgyal pos rgyal sa zla ba drug de la sras gsum las che ba mong gol rgyal pos lo dgu
the rang gi sprul pa
chung ba hu lar grags pas stod hor gyi rgyal po byas/ mnga' thang longs spyod rgya che/ sras 'bring po se chen gan gyi rgyal po chu bya la 'khrungs/ dgung lo zhe brgyad pa lcags sprel lor rgyal sar byon/ rgya bod hor gsum mi nyag gi rgyal khams dang bcas pa la dbang bsgyur / phyis kyi rgyal po gcig la