[A:44]bar snang / ching sang gi rgyud de chad nas gan rgyal po pha'u gnyis kyis rgyal sa bzung / de'i rjes su rgyal po thang zhes pa byung ste/ bod kyi rgyal po gnam ri srong btsan dang dus mnyam/ de'i sras rgyal po thang ka 'o bzung / de'i sras rgyal po tha'i rdzung rgyal po ste/ seng ge btsan po dang don gcig[B:44a] 'dis bod kyi rgyal po srong btsan sgam po la sras mo byin pa yin no/ /de la sras bdun byung ba'i che ba'i rgyud pa dzung dzung rgyal po ste/ bod kyi rgyal po mes ag tshom dang dus mnyam zhing bsnyen du 'brel ba'ang yin no/ /de'i sras han dzung rgyal sar bskos pa skabs shiig nas blon po gcig gis rgyal sa phrogs te/ lang zhes pa'i rgyal rgyud sogs rus mi gcig pa'i rgyal rabs tshan pa lnga la rgyal po bco lnga byung /
de'i rjes su ci'u tha'i dzung zhes pa'i rgyal po byung ba 'di nas rgyal sa ngo bo mi nyag la shos te/ rgyud rigs brgyad spen lang gi sa char byung zhing / phyis sman rtse'i yul du rgyal rabs brgyad byung ste sman rtse lha btsun
'dis sa skyar spyil 'dzin mdzad
pa'i bar du'o/ /mi nyag la shor tshul ni byang ngos dang mi nyag sga'i bar gyi ri gcig la klu bdud chen po [B:45]se hU zhes pa gcig yod pa dang / byang ngos mkhar nang gi bud med sha za'i rigs shig lhan du 'dus pa las/ bu gcig skyes pa'i tshe nam mkha' la sngon med pa'i skal ma rtags can shar ba mthong nas rgyas rtsis byas pas rgyal sa 'phrog pa'i mi gcig skyes par shes nas thams cad skrag zer/ bu de nar son pa'i tshe rgan mo mi ma yin zhig gi ngag bzhin rta pa mang po khrid nas pho brang du 'phags pas rgyal po blon po dang bcas pa kha yar dam kha skyel du byung ba