[A:47]yul du bros/ de'i tshe mdo smad du
rje rin po che
'khrungs nas lo bcu gnyis lon/ de nas deng sang gi sa khyi 'di yan la lo brgya dang bdun cu 'das/ /
gnyis pa slar yang rgya'i bstan pa byung [B:47a]tshul ni rgya nag phag gdong rgyal pos sa sprel rgya nag gi yig tshang las byung zer
lor hor gyi rgyal sa blangs pa nas rgyal srid lo sum cu rtsa gsum bzung / me long ma sogs su ta'i ming rgyal pos zer te spyi ming yin pas mi 'gal lo/ /de rjes kyi hun rgyal pos lo gnyis dang / rgyal po ye dbang gis lo nyi shu rtsa gnyis bzung / 'dis snga sor rje rin po che gdan 'dren par btang yang ma phebs pas karma pa chos rje chos dpal bzang bo/ sa skya pa kun dga' bkra shis/ se ra ba shAkya ye shes gsum gdan drangs nas rim pa bzhin/
de bzhin gshegs pa/ theg chen chos rje/ byams chen chos rje zhes mtshan gsol/ spyir yang jo bo rin po che la na bza' mchod rdzas phul ba dang / rgya bod kyi rab byung [B:48]rnams la gus par mdzad nas yo byad btang ba ni bsam gyis mi khyab ces grags/ de nas gzhan dzung gis lo bzhi dang / zon lde rgyal pos lo brgyad de/ 'di'i ring la dge ldan gyi thub pa gnas bcu'i thang ga ya mtshan can 'di byung / cin thung gis lo bcu gsum/ gyin thas lo bdun/ thing zhun gyis lo brgyad / ching ho rgyal pos lo bcu gcig de nas deng sang gi bar zhing chen bcu gsum gyi rgyal khams la dbang byed pa'i chos rgyal rim par byon pa yin no/ /