[A:4]'jog de'i rjes su rgyal po lnga khri lnga stong grong khyer ser skyar byung ba'i tha ma rgyal po shing rta bcu pa sogs ming smos bcu gnyis kyi mtha' ma rgyal po gzhu tan/ de la bu seng ge 'gram dang seng ge sgra gnyis/ dang po la zas gtsang / zas dkar/ bre'o zas/ bdud rtsi zas dang bzhi/ zas gtsang la sras bcom ldan 'das dang cung dga' tho gnyis te/ mi rnams tshe lo brgya pa'i dus yin/ zas dkar la bu rgyal ba dang bzang ldan/
bre bobre'o zas la ming chen dang ma 'gags pa/ bdud [B:4a]rtsi zas la kun dga' bo dang lha byin/ bcom ldan 'das la sras sgra gcan 'dzin te/ 'di nas mang pos bkur ba'i rgyal rgyud chad par byed de/ shAkya chen po'i gdung rabs la dgong sa pa'o/ /bsdoms na mang pos bkur ba nas zas gtsang yan la rgyal po sa ya gcig dang chig 'bum nyis khri chig stong lnga brgya bcu bzhi yod/ 'jig rten gdags pa dang rgyu gdags par 'di dang mi 'dra tsam bshad cing / dpal ldan bla ma'i chos 'byung me long mar ni 'khor bsgyur mtha' ma nyer mdzes ldan gyi bu rgyal po mchog sbyin/
'di'i skabs su mi rnams tshe lo bzhi khri pa'i dus dang / sangs rgyas 'khor ba 'jig 'jig rten du byon/ de nas rgyal rabs sum brgya lhag tsam na rgyal po btsun dha bya ba byung / 'di'i skabs su mi rnams tshe lo sum khri pa'i dus dang / sangs rgyas [B:5]gser thub 'jig rten du byon/ de nas rgyal rabs sum brgya'i mthar rgyal po ratna chen po/ de'i bu rgyal po kri kri/
'di'i skabs su mi rnams tshe lo nyis khri pa'i dus dang / sangs rgyas 'od srung 'jig rten du byon/ de nas rgyal rabs nyis brgya na rgyal po rna ba