[A:5]can/ de'i bu gau ta ma dang / ba ra dhwa dzA/ dang po'i bu bu ram shing pa/ de nas rgyal rabs brgya tham pa'i tha ma 'phags skyes po/ de nas rgyal rabs lnga bcu tsam na rgyal po shing rta bcu pa/ de la bu shAkya chen po/
shAkya li tsa byi/ shAkya ri brag pa ste gsum byung / dang po nas brgyud pa la bcom ldan 'das dang sgra gcan 'dzin gnyis/ ri brag pa nas brgyud pa la bod kyi rgyal po rnams byung zhes bshad/ cung zang dpyad na/ 'khor bsgyur tha ma nas [B:5a]zas gtsang yan gyi rgyal po'i grangs mdzad pa ha cang nyungs pa'i skyon dang bcas par mngon te/ phal cher lung gzhan dang mi mthun zhing / chos 'byung rang du mang pos bkur ba nas sgra gcan 'dzin gyi bar la gdung rabs sa ya gcig dang 'bum khri lnga brgya byung ba 'dul ba'i lugs su gsungs pa dang ma 'grig pa'o/ /ji skad smras pa de tsam du zad kyi/ gzhan rgyal po gsal rgyal/ gzugs can snying po/ shar pa/
gtum po rab snang ste bcom ldan 'das dang nyin gcig la 'khrungs pa'i rgyal po bzhi'i gdung rabs dang / kha che dang bal po'i rgyal po rim par brgyud pa'i gtam su la yang yod par mi snang la/ de bzhin du sangs rgyas kyi lung bstan pa'i chos rgyal mya ngan med yab sras nas brgyud [B:6]pa'i gdung rabs 'di byon gyi yi ge'ang ma mthong / skabs shig tu bran mo zhig la shing gi lha zhig gi bu byung ba phas nor bu byin pas sa la dbang bsgyur ba'i rgyal por gyur te go pa la zhes grags so/ /'dis nA lendra'i gtsug lag khang bzhengs/ de'i btsun mo la klu'i rgyal po zhig gi bu byung ba la/
rgyal po dpal ldan chos skyong du grags te/ 'dis o tan ta pu ri'i gtsug