[A:66]sdig yoms che ba dang / 'bri gdan 'thab pa na byed dka' ba byung zhes grags so/ / khri skor gzhan chu mig pa/ zha lu ba/ tshong dus mgur mo ba/ thang po che pa bzhi'i dpon rabs dang / mnga' thang 'di byung gi gtam ni su la yang ma thos so/ /
phag mo gru pa ni/ bod kyi khri dpon phal che ba bla ma re'i 'phrin las kyi rgyun las byung 'dug pa bzhin/ 'di yang 'gro mgon rin po ches sa pho stag gi lo la phag mo [B:67a]gru pa'i gdan sa btab nas/ gzhan don 'phrin las bsam gyis mi khyab par bskyangs pa'i mur snang / de la 'di'i gdung rabs yin par deb sngon par 'chad kyang / bka' brgyud gser phreng ba dag rlangs lha gzigs kyi rigs su bzhed pa ltar/ chos rgyal khri srong lde'u btsan gyi nang blon rlangs khams pa go cha zhes pa dang /
slob dpon padma'i dngos slob a mes byang chub 'dre bkol zhes pa 'gro gnyis kyi rgyud du byung ba ste/ de yang khams kyi gnas drug gi sa char mgon nyid kyi sku mched du gtogs pa/ yon chen rgyal ba skyabs zhes pa la/
rje spyan snga grags pa 'byung gnas/ dbon mgon po rgyal/ yon chen sangs rgyas skyabs dang sras gsum 'khrungs/ rje spyan sngas lo bco lnga lon dus dbus su byon pa gdan sar bla ma ma [B:68]'khod 'dug pas/ 'bri gung chos rje'i drung gzhung gdams ngag yongs rdzogs gsan/ dgung lo sum cu rtsa bzhi pa sa 'brug la gdan sa rin po cher phebs/ de'i tshe 'bri gung chos rje dgung lo drug cu rtsa drug dang /chos rje sa skya pa nyi shu rtsa bdun bzhes shing / kha che paN chen gyis bod du lo bcu bzhugs pa'i lo