[A:67]lnga pa yin/ de yang 'gro ba'i mgon po gshegs pa'i lcags stag nas lo bdun gyi bar gdan sa ba med/ de rjes 'bri gung chos rje gdan sar lo gsum bzhugs pa'ang 'phrin las bzhed pa gzhan ma byung / de rting sa phag nas me yos kyi bar lo sum cu'i ring gdan sa stongs pa sogs shin tu nyams par gyur pa spyan snga rin po che 'di pa'i bka' drin las je [B:68a]rgyas su song ste/ gdan sa brgya 'gyur stong 'gyur la btang zhes pa'i snyan pa byung /
lo nyi shu rtsa drug phag mo gru pa nyid du bzhugs nas/ dgung lo re gcig pa shing lug la 'bri gung gi gdan sar byon/ de nas bzung ste 'bri gdan gnyis la gdan sa phan tshun zhes pa'i ming du chags/ dbon mgon po rgyal la sras khro bo 'phan zhes pa 'khrungs/ yon chen sangs rgyas skyabs la sras rgyal ba rin po che grags pa brtson 'grus dang / bcu gnyis rin chen rdo rje gnyis 'khrungs pa rim pas gdan sar byon/ rgyal ba rin po ches gdan sa la lo sum cu rtsa gsum bzhugs pa'i ring la/ rgya gar gyi grong khyer ti ra hu ti'i rgyal po/ singga gling gi rgyal po/ ya tshe rgyal
po/ stod hor gyi rgyal po/ hu la rnams kyis rin po che las grub pa'i rten gsum mchod rdzas/[B:69] nor bu sog po sprad 'gyel du grags pa/ gzhan yang nor sna bsam gyis mi khyab pa'i 'bul ba byung ste bod kyi sde dgon zhig la gdan sa thel nor rngams che zhes pa'ang 'di nas yin/ bcu gnyis rin rdor ba gdan sar lo bcu gnyis bzhugs pa'i ring nye gnas la khri dpon gyi 'ja' sa byung ba yin 'dug rgyal ba'i phyi rten du rin po che las grub pa'i sgo mangs ya mtshan can bzhengs pas spyan snga sgo mangs pa zhes zer/