[A:70]gtsang khri skor bcu gsum gyi dmag yar klungs su drangs/ si tu ba dang rnam gnyis zam chen khar 'dzoms nas chings 'dun gleng [B:71a]pa na sa skya pas bslu stabs byas nas si tu ba bzung /
rnam rgyal nas bzung yang zer
de nas si tu ba dmag snar gdan drangs nas/ pho brang e gtod kyi sgyu thabs byas na'ang / dbon po gzhon nu bzang po dang /kun dga' ra ba
dpon shAkya bzang po mdong mkhar ba
sogs blon po rnams kyis/
zhal ngo bas sde srid gal che zer nas ma nyan/ de nas gong ma sa skyar gdan drangs pa phyi zhabs la zhal bsgyur nas bkyon pas phyir log chog pa 'ong bas rten 'brel bzang gsungs/ sa skyar shangs kwa yin kyang zer
phebs pa na skya ser mang pos sa sbar bas bsdus nas zhal du btab pas/
sa skya kha ru btab chog pa 'ong bas rten 'brel mchog tu bzang gsungs/
bzhugs ring sku lus steng du 'o brgyal mang du brtsegs na'ang ji mi snyam par bsran cing tshugs su mdzad pas kun gyis [B:72]blos ma 'khyud pa yin 'dug
nye lam dbang brtson la hor rgyal pos dpon chen gyi 'ja' sa gnang bar go ba na/ rgyal ba bzang pos si tu ba dang lkog tu mthun par mdzad de/
shor ba ltar du mdzad nas si tu ba ba btang / de rjes dbang brtson gyis dpon chen bzung nas khri skor bcu gsum gyi dmag yar klungs su lan mang drangs kyang ma thub par rim pas si tu ba rgyal te/ sa mo glang gi lo nas dbus kyi sa cha phal che ba khong gis blangs/ de'i tshe sa skyar mkhas btsun pa gshegs nas lo drug 'das/ gdan sa ti shri kun dga' rgyal mtshan bzhugs thang na'ang yi ge gsal ba ma mthong / de nas lo gsum