[A:69]de rjes bcu gnyis gsar ma bas gdan sa mdzad / de yang tshes bzhi pa'i dus su lha gzigs kyi zhal ngo zhig 'bri gung rkang bzhi'i dpon du yod pa phag mo grur bos nas [B:70a]khri dpon du bskos pas/ khri dpon rdo rje dpal zhes grags/ 'dis sne gdong rtse/ tshong 'dus brag kha/ lcags rtse gri gu rnying ma/ yar 'brog mchod rten dkar po/ mon mkhar rgya thang gzhis kha sogs tsha skad gtong ba'i gzhis kha bcu gsum brtsigs/ ta'i si tu ba ni chu stag la 'khrungs/
spyan snga chos 'byung du gsungs/
dgung lo bdun pa la spyan snga tshes bzhi ba las dge bsnyen gyi sdom pa zhus te/
mtshan byang chub rgyal mtshan du gsol/ dgu pa la mkhan po tshul dar ba dang slob dpon spu hrang pa las rab tu byung / tshul dar ba 'dis spyan snga tshes bzhi ba rab tu byung ba'i mkhan po'ang mdzad cing / 'phyongs rgyas pa'i zhal ngo yin/ bla ma lha khang pas dbang bskur te chos sgo che/
bde mchog gi bsnyen pa mang du mdzad pas phyag [B:71]mthel rdol ba'ang byung zer/ bcu bzhi pa la sa skyar byon/ bdag nyid chen po bzang po dpal dang mjal/ nyi shu pa lcags mo bya'i lor rgyal po chen po tho gan the mur gyis stag mgo nor bu gsum pa gnang ste khri dpon du bskos/ sne gdong rtse'i pho brang rgya spangs skyed pa'i mkhar las/ nye 'khor du gyang mo cher grags pa slong ba/ mdun du sham chu la zam mo che ya mtshan can 'dzugs pa mdzad/ chab srid chos bzhin du skyong ba'i ched du chang dang phyi dro'i kha zas sogs spong bar mdzad cing / drung na 'khod pa rnams kyang de la 'god par mdzad/ skabs shig na dpon chen rgyal ba bzang pos dbus