[A:73]rdzong dpon bskos pa lo gsum gsum na brje ba dang / nyid rang gzhis skor la phebs par mdzad pa sogs las drung chen rin po che ta'i si tu zhes phyogs thams cad du grags/ deng sang gi bar du yang phag mo gru pa'i sde srid ces mtho dman kun gyi gnya' bar gser gyi gsha' shing bas lci ba 'di gong ma de'i phyag rjes yin/ dgung lo drug cu rtsa gsum
spyan snga chos 'byung nas gsungs
pa shing 'brug lo'i zla ba bcu pa'i nyer bdun la sku gshegs pa ste/ nyer bdun gyi lo mchod sne gdong rtser gtong ba chag [B:75]med du yod do/ /deb sngon mar shing 'brug lor ta si chen pos sne gdong rtse'i thugs khur bskyangs nas chu glang lor gshegs par mdzad kyang dag par mi sems so/ /drung bsod nams bzang po bas bdag mo nye tu ma khab tu bzhes pa la 'jam dbyangs shAkya rgyal mtshan/ thel dpon rin rdor ba/ bdag po shag rin pa dang gsum 'khrungs pa'i dang po 'jam dbyangs pa lcags 'brug lor bltams/ tshes bzhi rin po che las dge bsnyen gyi sdom pa zhus te mtshan grags pa bzang por btags/ dgung lo dgu pa la mkhan chen gzhon dbang pa dang / slob dpon gzhon tshul ba las dge tshul gyi sdom pa bzhes te/ mtshan shAkya rgyal mtshan zhes gsol/ dgung lo bcu gsum chu 'brug [B:75a]lor rtsertsed thang gi gdan sa'i thog ma mdzad/ bka' pod bzhi la sbyangs te tshogs su gsungs shing /
bu ston rin po che'i drung du rdor dbyings la sogs pa'i rgyud sde gsan pa mang du mdzad pa ste/ bu ston rin po che'i zhal nas/ mgon po gdong gi ri yan man gyi yar klungs kyi zhing re'i bar dkyil 'khor mi 'dra ba re