[A:74]bzhengs kyang khebs par yod ces gzengs bstod pa'i gsung byon zhes grags/ bcu dgu par chos rje bla ma da ma pas mkhan po dang / mkhan chen bsod dbang pa dang gzhon dbang pas las slob gsang ston mdzad de bsnyen par rdzogs/ rtsa gcig bar lha sar chos kyi 'khor lo bskor bas rgyal sras bde 'byung ba sogs skyid shod kyi mkhas pa mtha' dag dgyes par mdzad/ nyer drug bzhes pa shing mo sbrul [B:76]lor rgyal po tho gan gyis go shri'i 'ja' sa gnang nas sne gdong gi khri dpon du bskos/
dbus gtsang du bsko 'bebs sogs ci byed na'ang mi rgyud dang bcas pa shes su chug gsung ba'i 'jab sa dril bsgrags/ de nas lo gsum song ba'i sa sprel de rgya hor bstan pa brjes pa'i lo yin/ lan cig gtsang du dmag 'dren dgos byung ba'ang chos skyong rnams kyis grogs byas nas mi mthun phyogs tshar bcad ces grags/ so pazhi pa chu glang lor dpal
ldan bla ma gral dbur spyan drangs te/ sne gdong chos 'khor chen mor grags pa mdzad/ me glang gi chu mig chos 'khor nas brtsis pa'i lo dgu bcu rtsa bdun pa yin/ sa skya pa'i sde srid sgang la bzhag pa'i tshad chu mig chos 'khor dang /[B:76a] phag mo gru pa'i rje srid sgang la bzhag pa'i tshad sne gdong chos 'khor du byed/ rab tu byung ba'i phyogs su yo byad gtong lugs shin tu rngamsngoms che ba ste/ rjes su yi rang bar byas na bdag dang gzhan bsod nams mnyam pa nyid ces bya ba de thob/ sne gdong chos 'khor gyi byed pa po ni rdzong spyi rgyal mtshan bzang por grags pa ste/ de'i sras grags pa rin chen dang / de nas rgyud pa la dge mo ba'i dpon rabs