[A:81]la dus mi bde ba phal cher sangs te/ mkhar pa dge slong gis rdzong spyi'i las ka bzung / gong ma nyid me sbrul shar ba na skyid shod du phebs pa nang so du dben sha chen mos gus mchod yang dag mdzad/ 'di res gzhis ka sne'ur mkhas grub chos rjes kyang bstan pa la dgongs nas mjal/ gsang phu ba'i chos rje chen slob kyis mjal bar phebs pa na/
gong ma'i zhabs phyir 'gos lo tsA ba gzhon nu dpal yod pa [B:83a]dang / chen po yon rgyal pa gnyis sgro gleng la bzhengs pa/ gsang phu ba rnam pa'i thugs bzhed/ bshad pa chen po bas mdzad dgos gsungs na'ang / yid bzang rtse pas rtsed thang pa'i brtul zhugs kyis gzhung tog blangs nas 'jog mdzad ces grags/ dus ma bde ba'i dbang gis gtsang gi gzhis skor la ni phebs ma grub/ skabs shig gong nas rgyal po gyin thas gser yig pa mang bo mngags te dbang gi 'ja' sa gnang / de nas bzung ste dbang grags pa 'byung gnas zer/ paN chen nags kyi rin chen pa/
rgya ma spyan snga gzhon 'od pa/ rgod phrug ras pa grags pa 'byung gnas/
spyan snga nyer gnyis rin po che sogs bsten nas gsung chos mang du gsan pas mkhyen pa rgya che bar byed/ rtsed thang du gdan sa ba [B:84]zur pa med kyang rtse nyid nas gtsug lag khang dang lha chen dang / gser gyi bka' 'gyur bzhengs pa/ nag chang gi khrims sdom pa/ sgrub mchod chen mo 'dzugs pa/ 'chad nyan pa rnams la thugs rtsis che ba sogs thugs khur gang dgos bzhes pa mdzad cing / thel du'ang ri pa rnams la mgyogs khrid 'bogs pa sogs spyan snga'i dod po mdzad/ dgung lo sum cu lon pa'i