[A:82]chu phag la yar rgyab nas yab chen bkur sti chen pos spyan drangs te rtsed thang nang sor bzhugs su gsol/ de dus sde dpon mgos che ba yang du dben sha grags pa dpal bzang / rin spungs nor bzang dang dpal rin pa sku mched/ 'ol kha ba nor bzang dang rgya mtsho ba sku mched/
'phyongs rgyas pa dkon mchog rin chen pa dang [B:84a]sangs rgyas skyabs pa sku mched dang / yar rgyab pa rin chen bzang po/ bsam sde rgyal bu grags she
/ bya rgyal ba bkra shis/ 'phan po dpal 'byor rgyal po/ skya 'o rin chen bzang po/ bu tshal lha dbang pa sogs te tha ma 'di gling dkar gyi rdzong dpon thog ma yin zer/ grags 'byung ba dgung lo so gnyis bzhes pa shing mo glang gi tshes lnga zhig la gshegs pas tshes lnga rin po cher grags/
rje btsun shes rab seng ge dang gshegs lo gcig gong ma gshegs pa zhig la 'di kho na shul che bar byed| gcung kun dga' legs pa chu mo glang gi lo la dgon gsar du 'khrungs/ chos rgyal chen po gshegs pa'i phyi lo yin/ bcu bzhi pa la rtsed thang gdan sar phebs/ tshes lnga rin po che gshegs pa'i phyi lo [B:85]yin/ de nas lo gsum song ba'i sa 'brug la rtser byon/ lo 'di la du dben sha chen no sku gshegs/ de nas lo dgu song ba'i me glang la che sa sangs rgyas rgyal mtshan pa gshegs/ che sa 'dis yar rgyab tu lo dgu dang / rtsed thang nang sor lo bco lnga bzhugs zer/
dge mo smyon par grags pas ka bzhi bzung / de rjes dge slong sbal mig pas bzung zhing / dge slong gi gcung po lnga dar zhes pas ka bzhi shar bzung ste/ i nag dbang 'dzin byas/ rin spungs pa'i sring mo zhig