[A:84]gshegs pa sogs gang sa nas rin spungs pa'i dpung gis 'phral du ma phan/ bar skabs 'dir gong ma nyid skyid shod du lan gcig gnyis [B:86a]phebs pa/ nang so drung chen dpon blon gyis gus mchod chen po mdzad/
de nas dpon sa gdan sa ba dgung lo bcu dgu pa'i steng du gshegs shing / yum chos dpal bzang mo ba yang gshegs nas mkhar thog dgon gsar gnyis nang so mtsho skyes pas bzung / rtsed thang gi sde gzar rgyun zhi na'ang / rtse nas rtsed thang tshogs pa la zhwa dmar gyon dgos pa'i khrims bsgrags pa grwa pa rnams ma 'dod nas phal cher gyis lhan pa dmar po re tsam brgyab pa gyon pa dang / mgo yu byed pa sogs mi mdzes pa chen po byung zhes grags/ de dus sde dpon mgos che ba yang sne'u pa dpal 'byor rgyal po/ rin spungs pa kun tu bzang po/ rin chen dpal bzang /
mtsho skyes rdo rje/ shAkya rgyal mtshan te sku mched bzhi/ 'ol kha mkhan chen pa/ 'phyongs rgyas pa [B:87]rdo rje tshe brtan/ brag dkar ba dngos grub/
rin chen lhun po/ dkon mchog don grub ste sku mched gsum/ bya bkra shis dar rgyas/ gong dkar gral lnga rgyal po/ yar rgyab rin chen rgyal po/ bsam sde grags pa mtha' yas/ skyid shongs phag smyon pa sogs yod/ tshes lnga rin po che nas mkhar pa'i sring mo zhig dang lhan gcig tu 'dus pa las/ gdung rgyud ngag gi dbang po sa lug lor rgyal rtser 'khrungs/ tshes lnga pa'i nyer drug pa dang / kun dga' legs pa ba'i dgung lo bdun pa yin/ dgung lo bcu drug pa shing khyi la che sa dgon gsar ba dang gong ma kun legs bka' bsgos nas thel gyi spyan sngar