[A:85]bton/ spyan snga nyer gnyis par gshegs nas shing khyi 'di yan gyi lo nyi shur gdan sa stongs pa yin zer/ 'gosmgos lo tsA ba [B:87a]sogs las gsung chos mang po gsan te/ mkhyen pa rgya ri che zhing bsnyen par rdzogs pa dge slong gi rten du bzhugs/ mkhar pa dge slong gis gnyer pa dbang 'dzin byas te/ dkar phyogs kyi dge las kyang rgya che/ nyi shu lon pa sa stag la gong mas thel gyi spyan snga hab len byas pa sogs las/ bcu drug tsam du brag kha/ rgyal bzang gnyis rang du bzhugs/ slar chu sbrul la mtshan jus rgyal te/ yang dgon pho brang du phebs pa 'phrin las rgyas pa byung / de nas lo bdun song ba'i lcags byi la rin spungs don yod rdo rje dang / g.yung pa tshe dbang dpon blon gyis dmag gtos che ba drangs pa/ yar gong gnyis kyi dpung dang lhan sar yar klungs mthil du slebs te/ ka bzhi shar nub gnyis gnyer thog nas bton/ skyid shod du btegs pa brag dkar [B:88]ba'i sde srid tshang du tshud pa dang / chu shul lhun po rtse sogs rdzong gzhis 'ga' len pa nas/ gzhis ka sne'u pa dang sku mched bde bdun mdzad/ de nas rin spungs pa khu dbon du dben sha ngag dbang bsod nams rgyal po/ 'phyongs rgyas pa rin chen rgyal mchog
brag dkar ba srid chos rgyal po/ 'ol kha ba nor 'dzin chos rgyal/ span rnam pa kun dga' bkra shis/ bsam sde ba lha rnam rgyal 'od/ yar rgyab pa rin chen rgyal po sku mched/ gong dkar ba lha dbang kun dga'/
bya bkra shis dar rgyas| bu tshal pa khams gsum rnam rgyal/ hor khang pa tshe dbang grags pa/ rgyal chen rtse pa/ skyid shongs pa sku mched