[A:104]
gzigs/ dag pa'i zhing du gshegs par yang rtsom pa'i skabs yin tshod du gda'/ phyi rol gyi ltas ngo mtshar ba dang byin brlabs ni rgyun ma chad/ sku lus spur gyi rnam pa gyur gda' bas/ slob bu dam tshig dag pa rnams kyis spur chas bgyis/ bdag kyang zla bcu pa shar nas rang sems kyis tshor ba ltar blo shin tu ma bde/ yid skyo nas gung thang phyogs su 'gro bar yang yang zhus kyang / mi dpon rnams la zhu ba ma grub/ 'tshal gung thang nas kyang / drung la sku khams bsnyung ba'i lan ma sleb par/ bdag kyang stongs der lus/ tshes bcu bzhi'i srod la bdag gi rmi lam du/ skyabs gnas rin po che de sman gur kum sder gang gzung nas/ lha khang gcig na bkris brjod cing 'dug pa'i 'phro la/ bzhugs gdan la zlos nas 'gyel ba lta bu zhig rmis/ rje rin po che nyid gshegs pa'i skabs bdag la bstan par 'dug // de ma thag nyid sad nas snying 'thon pa lta bu'i snang ba byung ste/ sang nyid de mi che ba thams cad ngo chen la sbran nas/ si tu'i drung du zhu ba byas pas/ bcug gcig gi nyin gung thang du 'gro ba'i khul grub nas yod tsa na/ de'i dgongs kha/ rje rin po che sku khams bsnyung ba'i skad/ drung rin po che nyid kyi zhal ta'i gsung yig tshes bcu gsum la bris pa gcig dang / gsol ba ma thebs pa'i gtam ngan tshe bcu bzhi la bris pa gcig srod la snga rting du slebs byung / de ma thag khams nas rgyal ba ltar gyur zhing / bdag lta bu bsod nams zad pa skyabs gnas de lta bu dang bral/ lus kyi mgo bo bog // dpral gyi mig gdon/ khong gi snying phyung ba 'di lta bu/ khyad par du'ang bsnyung