[A:137]
gus bla ma'i dus thabs kyis/ sa lam mngon rtogs byin brlabs mthus bsgred de/ lus ngag yid la sku gsung thugs thugs zhugs nas/ bla ma'i sku bzhi ye shes lnga thob shog // dge ba 'di yis dge ba kun bsdus rab phul bas/ bla med skyabs gnas bla ma'i sku gsung thugs mnyes te/ thugs rje mnga' ba'i thugs rjes bdag cag rjes gzung nas/ skyob pa nyid bzhin skyob mchog rgyal ba thob gyur cig // mi mthun rkyen zhi bsam kun chos bzhin 'grub pa dang / rgyal ba'i bstan dang bstan 'dzin phrin las rgyas gyur cig // bkris dge legs phun sum tshogs pa'i bkris kyis/ sems can bla med byang chub mchog thob shog // sangs rgyas kun dngos dpal ldan bla ma'i rten/ sangs rgyas gsung thugs bzhengs dkar chag 'di/ sangs rgyas bstan pa 'phel phyir bzang po yis/ sangs rgyas thob 'dod bsam pa dag pas bris/ rab mchog rten rnams rab bzhengs de dag la/ rab gnas cho ga rab rgyas mdzad pa'i tshe/ rab tu bris pa'i rab dkar dge ba rnams/ rab tu 'phel bas rab tu bkris shis shog // yi ge dmar ser khra bo'i mdog // tshigs bcad spel ma lhug pa'i tshig // rnam thar bsdus 'bring rgyas gsum yin// gang gang 'dod pa de de blangs// shu bham//