[A:106]
cung zad phan par byung / bco brgyad kyi snga dro sku gdung gi drung du slebs te/ gdas sa chen po dpal ldan sa skya'i bla ma khu dbon gsum/ bla ma khang gsar ba dang bcas pa'i sku 'khor thams cad dang / dpon chen pa la gdan 'dren gyi zhu ba btang / 'tshal pa nang pa'ang / bya dka' che zhing gnyer pa gsar rnying mtshams su nang po stong pa las mi 'dug na'ang / gnyer pa byang chub dpal ldan/ sngon gyi smon lam dang mos gus dam tshig dag pa'i dbang gis dus tha ma'ang zhabs tog 'di skam pa'i khur du blangs te/ blos longs shig // rtsol bas thon pa dang / bkod pas khroms par byas nas/ bya dga' rnams rtsol sgrub byas/ gnyer sngon ma byas dus bug thes su bzhag pa'i cha rkyen rnams la gzhi blangs te/ bcu dgu'i dgongs ja la/ kun dga' ra ba chen por bla ma dge 'dun tshogs par mang ja bskol/ che 'bring chung gsum/ phyi nang bar gsum thams cad mya ngan du gyur/ khyad par du gdul bya'i 'bangs shing sa 'gyel/ dran med du brgyal/ gdung la mjal ba dang 'bul ba byed pa la phyogs mtha' dag nas mya ngan gyis non pa'i mi rnams ni sprin nag po ltar 'dus/ sme sngags dang ngud mo'i sgra chen po ni 'brug sgra chen po ltar grag // mchi ma'i rgyun ni chen po ltar bab ste/ 'on kyang skye bo phal pa shi ba'i mya ngan ni don med sdug bsngal nyis rtsig yin mod/ skyabs gnas rin po che 'di lta bu bde bar gshegs pa la/ mya ngan gyi gdung shugs mos gus kyi rtsal/ smre sngags kyi nga ro gsol 'debs kyi gdangs/ sdug bsngal gyi sprug sdebs/ phyag mchod kyi 'phrul 'khor/ yi mug gi snang sems byin brlabs kyi