[A:108]
blo gros pa dang / khang gsar ba phyibs pas ma lcogs par ma byon/ dpon chen si tu ba'ang dbus phyogs kyi mi sde la gzan dogs pas ma byon/ 'dus pa thams cad kyi gtsug gi rgyan dang / bde bar gshegs pa shakyA'i rgyal po'i rgyal tshab/ 'gro mgon chos rje khu dbon gyi gdan sa/ dpal ldan sa skya'i bla chos/ 'jam pa'i dbyangs kyi sprul pa/ gdung brgyud rin po che khu dbon/ dpal ldan bla ma dam pa 'gro ba'i mgon po bsod nams rgya mtshan dpal bzang po pa dang / slob dpon chen po chos kyi rgya mtshan pa zhal rnam gnyis nyi zla zung gcig gi tshul du kun gyi thog mar bzhugs/ sa skya'i bla ma mngon dga' ba kun dga' dpal dang / mkhan po nam mkha' ye shes pas gtso mdzad/ drung 'khor gyi dge bshes nye gnas dang bcas pa dang / 'tshal pa'i rin po che pa dang / mkhan slob gsum bu chen rnams dang / jo gdan tshogs pa'i mkhan po don grub dpal/ zul skyor/ ne'u thog gling stod smad/ dga' ldan bde ba can/ gnas tsho gsum la sogs kyi bla chos pa rnams kyis gtso mdzad/ dge ba'i bshes gnyen dge 'dun 'dus pa khri khrag gsum dang stong phrag brgyad/ skya bo khri khrag gcig dang stong phrag drug ste/ phon du khri phrag lnga dang stong phrag gcig 'tshogs pa la/ nyi ma rtse shar nas tshan pa gsum du sgo la bshar nas/ dge 'dun la 'gyed zho re ma/ skya bo la bzhi nam ma lhag chad nye ring med par bkye bas/ gser srang stong chig brgya bcu rtsa gsum zho gsum/ ja sig chen bzhi brgya brgyad bcu rtsa brgyad/ ther phug nyis stong bzhi brgya bdun bcu rtsa lnga/ dar yug bzhi