[A:114]
de lta bu mi bzhugs pas mya ngan gi gdung ba ni je cher mi 'gro ba'i thabs mi gda'/ mya ngan la snyad pa'i gnod 'tshe dang / tshul min gyi bya ba gang yang mi byed pa snga nas kyang khrims su bcas lags/ spyir ngan song gi sgo 'gengs pa dang / mtho ris su 'dren bdun tshigs dang / spur sbyong la re dgos pa der mi gda'/ rang mgo rang gis thon zin/ gzhan la re mi dgos pa'i khyo ga der 'dug // 'on kyang yur ye shes kyi me lha mchod pa zhig brtsams pa lags na'ang / ju zhag pa thams cad kyis/ de bzhin gshegs pa 'ga' zhig gi sku gdung rgyas par 'gyur ro zhes/ sku sbyangs na ring srel gyi mchod rten dpag tu med pa'ang 'byung ba'ang gsungs/ de bzhin gshegs pa 'ga' zhig gi sku gdung ril po gcig tu 'dug go/ mchod rten yang gcig tu zod ces/ sku ma sbyangs pa ril po bzhugs pa'i mchod rten yang gsungs 'dug // dam pa'i chos padma dkar po nas/ rgyal ba rin chen mang gi sku gdung skal pa mang por mchod rten du bzhugs shing / dus dus su chos ston pa'ang gsungs/ sngon rigs gsum mgon po'i sprul pa rgyal mos dbon gsum dang / mkhan po zhi ba mtsho/ slob dpon ka ma la shI la sogs kyang sku ma bzhu bar ril por bzhugs 'dug // khyad par du drung rin po che pa nyid/ snga gong nas nged bya spre lo pa rnams srong mi btus