[A:116]
mi dgos gsung / de'i 'phro la gzhan yang 'phros pa mang du gsungs/ khyed rnams nga la mthong chung bas mi go ste/ de la nga'i mngon shes kyi skal ba gyis/ e bden ltos e go gsung nas/ phyag gcig mdzad 'dug // rgyu mtshan 'di rnams kyis sku lus rin po che a ka ru'i sgam du bzhugs nas/ dngul gyi shan gyis bsdams shing / gdul bya thams cad kyis gdung shugs mos gus kyi yul/ phyag dang mchod pa'i gnas/ bkris byin brlabs kyi rten du bzhugs su gsol ba lags/ da mig gi blta sa/ sems kyi then thag // gsol ba'i 'debs sa/ phyi brgyan nang bcud 'dir gda'o/ sku ma bshig par bzhugs pa 'di/ gros legs par byung / drung du phyin tsa na/ sku bzhugs dus bas kyang lhag pa'i byin brlabs 'dug // rjes kyi zhabs tog 'di rnams grub tsam dang / da lta'ang dge 'dun 'tshal pa'i gzugs 'ol le ma gcig lus po de sku gdung rin po che 'di'i byin brlabs dang sku skyobs su gda'o/ sku gdung ma bzhu yang / snga gong du gsol ka pa kun dga' dar la mos gus kyi rten du gnang ba'i tshes gcig la/ bde bar gshegs pa'i mos gus byas pas ring srel ngo mtshar ba byin 'dug // slob ma mos gus can la byin brlabs kyi rten gnang ba de lta bu gzhan yang 'ga' re byon gda'/ bar do gsum pa la skye ba sprul sku'i zhing khams su/ smon lam thugs rje sprul sku ste 'gro don mdzad pa ni/