[A:123]
pa'i lha'i me tog la sogs rnams grangs bcu dgu bzhugs/ bka' 'gyur yod do cog la chos kyi rnams grangs ji tsam bzhugs pa dkar chag zur na gsal/ dngul gyi mchod rten gyi bkris sgo mangs na/ bde bar gshegs pa de nyid kyi sku lus bsod nams dpag tu med pa las grub cing / sangs rgyas dang byang chub sems dpa' dpag tu med pas byin gyis brlabs pa/ gdul bya dpag tu med pa'i don du byung ba/ yon tan dang byin brlabs dpag tu med pa'i mnga' bdag 'byung ba'i gnod pas ma nyams shing zhal dngos su bzhugs pa ltar gzi mdangs dang ldan par sku gdung rin po gcig tu bzhugs/ rgyal ba shAkya'i rgyal po'i 'phel gdung gi phung po che ba gcig // rtogs pa'i bla ma mdo sde gtsang du byon pa'i res gcig la chu mig ring mo'i gron khang du bzhugs pa'i drung du/ jo mo sgro mo bya ba ye shes kyi mkha' 'gro ma gcig gi gdung rten chung chung gcig khyer byung nas/ 'di'i nang na no pa/ mar pa/ rnams kyi dbu skra/ phyag len/ khyed rang gi sku tshe snga ma'i gdung / dbu skra phyag sems can rnams bzhugs yod gsung nas/ bla ma la phul ba/ gzhung ri bor gdan drangs/ de nas slob ma mkhas pa gcig gis khams su gdan drangs/ de rting bla ma kun dga' khams su byon pa'i res yar gdan drangs pa'i lo rgyus rtogs pa'i rnam thar na gsal ba ltar bzhugs pa'i gdung khang ri bo nas byon pa gcig // 'gro mgon rin po che'i sku nyid kyi zhal du bcug nas byin brlabs mdzad pa gcig // chen po dga' bde'i thugs dam bstan gtso'i gser sku/ spyan snga