[A:125]
phyag dril gyi dbu gcig // sangs rgyas lnga brgya dgu bcu gcig gi sku gzugs dang mtshan/ mchod rten dgu brgya gser las bzhengs pa/ shog skya'i nyi khri tshar gcig // 'bum tshar gcig la sogs rnams grangs bcu gcig rnams bzhugs/ sku 'dra dar sku'i nang du sman gyi bla'i gser sku byin brlabs can gcig // mkhas grub chos rje'i sku mtshal pas bzhengs pa sku gcig // grub chen u rgyan pa'i lder sku byin brlabs can gcig // sangs rgyas nyis stong brgya'i sku gzugs dang mtshan/ mchod rten stong phrag gcig dang bzhi brgya gser las bzhengs pa la sogs rnam grangs drug bzhugs/ rten thams cad thun mong du bzhugs pa ni/ rgyal ba sras dang slob mar bcas pas byin gyis brlabs pa'i rten ngo mtshar can la/ rgyal ba thub pa'i dbang po'i 'phel gdung zung 'brel re/ de bzhin gshegs pa lum pa'i tshal du sku bltams pa'i tshe phyogs bzhir goms pa bdun bdun bor ba'i sa/ de bzhin gshegs pa sgrub khang gi sa/ yab la chos gsungs pa'i chos khri'i sa/ mchod rten rnam dag gi sa/ glang po shongs kyi rdo ba'i phyag mkhar gyi sa/ grub thob ku ku ril mkha' spyod du gshegs pa'i zhabs rjes dang rjes kyi sa/ zas gtsang gi pho brang dang / de bzhin gshegs pa'i gzims khang gi sa rnams/ mda' chu/ khron pa/ tshang pa rgya byin gyi gser gzhong bzed nas sku bltams pa'i dus su gsol ba'i chu/ dbu skra bsil ba'i chu/ gsol chu/ khrus kyi rdzing bu/ de bzhin gshegs pas 'o ma bskyugs pa las chu mig byung ba la brod kyang 'o ma 'dra ba mdog kyang 'o ma 'dra ba yod pa'i chu mig