[A:136]
gyur cig // thugs bslu med kyi 'bras bu ni/ 'gro ba'i mgon po nyid kyi zhal bzhes bka' rtsal pa/ da lta nga'i skyabs 'og tu tshud tshad rgyal khrims khong du tshud tshad kyi sems can thams cad chos kyi dbyings su dpal rnam par snang mdzad du mngon par sangs rgyas pa'i tshe/ de'i dus su sems can thams cad sa bcu'i byang chub sems par gyur te/ da lta ngas 'jigs pa dang dgra las skyabs pa'i las 'brel 'dis/ de'i dus su byang chub de rnams kyis shes bya'i sgrib pa/ 'khor gsum du rtog pa'i dgra ngas bcom nas/ thams cad der sangs rgya ba yin no/ zhes gsung pa de kho na bzhin du 'grub par gyur cig // skal ba dman pa bdag 'dra'ang khyod kyi thugs rje'i mthus/ dal 'byor rnyed cing drin chen pos bskyangs/ bcu bzhi pa nas bzhi bcu rtsa gcig 'dra bar/ lus ngag yid gsum dge la phul/ bya btang rtse gcig dam chos sgrub 'dod kyang / bka' las 'gal bar ma nus phrin las bsgrubs/ da ni khyod kyi sku bzha'i rten grub nas/ nyams chung bdag gi tshe 'di'i bya ba rdzogs/ 'di phyi bar gsum phral phugs thams cad du/ mthor gtong smar gtong legs nyes khyed rang mkhyen/ rigs drug gar skyes spyod tshul ci 'dra yang / bslu med thugs rjes byin brlabs 'bral med skyobs/ gam ga'i ji snyed 'khor 'khor ba lus blangs kyang / skyob pa khyed 'dra'i yab mchog rnyed par dka'/ bskal ba bye bar 'phangs pa'i srog zhal yang / khyod kyi sku drin cha tsam khor ma mchis/ byang chub bar du skyes pa thams cad du/ thugs kyi sras su bdag gyur sgo gsum dang / longs spyod kun gyis mchod cing / mi nyes kun spangs mnyes pa kun sgrub shog // lam zab mos