[A:40]
bzhed pa las/ gza' pa/ lha sde/ mi sde la gzhogs gnyis kyi tho lta ci smos te/ khrims kyi ljid 'khur ba'i na so la'ang ljid ma bkal bar/ phyag tu dang zur pa dang dum byung ba rnams las bzhengs shing / phyi mo phal cher/ dbus/ lho brag / gnyal/ dwags po rnams nas rnyed/ 'ga' re gtsang nas btsal zhing / shog skya'i dpe po ti phyed dang sum brgya dgas kyis thon pa grub/ phyis kyang bod du gsar du 'gyur ba dang / phyi mo gsar du rnyed tshad bri pa yin/ 'di la 'phel nas phu ne'u thog tu slob dpon chang ma'i skyes bus bstan 'gyur ma tshang tsam gcig / chos rje karma pas gser las bzhengs pa'i tshar gcig / stag lung rin po ches shog skya'i tshar gcig / mdo khams kyi bla ma rgya rin po chos shog skya'i tshar gcig / 'tshal pa'i gnyer pa dpon byang gis shog skya'i tshar gcig 'phel/ 'di thams cad kyi bkod pa'ang / zhal ta 'dag rkyen thams cad drung nas mdzad pa yin/ rgyal bu chos rgyal gyi thugs dam mdo langs dang / phal chen dkon mchog rtsegs gser las bzhengs pa'ang gung thang du 'bri sa byas/ zhal ta gzhi len thams cad drung nas mdzad/ ma ston tshul dbang la dge bskul/ gnang sbyin mdzad nas/ gser gyi rgyud 'bum 'brir bcug // gzhan yang drung rin po che pa'i 'phrin las ma brten nas/ 'tshal pa'i sa char rje btsun ri bo ba dang / nye gnas gzhon rgyal gyis/ gser gyi bka' 'gyur re re bzhengs pa dang / mdo rgyas 'bring bsdus gsum la sogs bzhengs pa zur pa mang po byung ba yin/ dpon chen seng ge ba'i thugs