[A:42]
ja/ chen po dga' bde'i dus mchod bco lnga mchod pa/ zla dus kyi mchod pa la bco lnga'i tshul du btsugs/ dpon rin po seng ge'i dus mchod bco brgyad mchod pa btsugs/ chos 'khor gling du dgag dbye ston mo dang / dbyar dgun dpyid gsum du chos btsugs nas ma thon bar du ja tshul/ yang dgon dang lha gdings su rin po che bar pa'i nyi shu bdun mchod btsugs/ yang dgon sgom sde gnyis su dbyar chos kyi dus ja tshul rnams/ zhal ta dang bdag rkyen mdzad nas btsugs/ nang po nas skyong ba'i bcu gcig mchod pa dang / nyi shu bdun mchod/ tshes brgyad mchod pa rnams sngar chen mo rnams kyi drag rims thogs re/ nang sor bos nas gro 'dren pa la/ phyis kun dga' ra ba chen por/ bla ma dge 'dun spyi la chos ston 'dren pa 'di mdzad pa yin/ skyi shod kyi ri brgyud lho byang gi ri khrod so sor bzhugs pa'i sgom chen rnams la lo re bzhin dbyar rgyags 'gyed pa'i srol btsugs/ dus phyis dbyar dpal gyi ri bor sgom chen 'dus pa thams cad la/ gro dang gser 'gyed/ dgun cho 'phrul chen po'i dus su yab kyi dus mchod dmigs te/ phyi nang gi dkyil 'khor bzhi zhal phye nas/ sbyin sreg cha bzhi dang dge ba'i bshes gnyen lnga bcu re tsam gyis bdag 'jug lon zhing / zhag bcu bcu'i bar du cho ga rnams par dag pas sgrub mchod mdzad pa'i srol mdzad/ dpon sar byon pa'i phyi lo gdan sa chen po dpal ldan sa skyar mjal 'phrad la byon dus/ mang ja 'bul ba dang bcas pa mdzad/ chen po dga' bde'i gshegs rdzogs dus su/ tshogs chen por tsha ba drangs/ rkyang 'bul btang / ja sig brgya dang / ras gres lnga