[A:44]
la byon dus/ sgam por 'bul ba bsnyen bkur mang po mdzad/ yer pa spos kha phyi'i byi phugs dgon pa/ gshen grong chung sgang kha/ 'tshur lha lung brag ral rnams su'ang zhabs tog mang du mdzad cing / lha khang dang gdan sa 'di rnams thams cad byon dus mang ja 'bul ba mdzad/ gung thang 'bul ba byung res la 'bul ba gtogs/ mar me'i skal ba ster gin yod pa de yin/ mkhas grub chos rje'i gdan sa bsam gdings su 'gan 'ji ra khyad 'phags bzos nas phul/ dge 'dun la gro dang gser bzhi ni re'i 'gyed/ nyi shu dgu mchod la dngul bre phul/ 'tshal pa'i sa cha rnams su gtsug lag khang rnying pa gsos pa/ gsar pa bzhengs pa/ zhabs tog mdzad pa bgrang gi mi lang / sa cha gzhan rnams su yang de dang mthun pa'i dge bskul mdzad/ tha na byang stongs rnams su/ drung nas gro re pa la mtshan nyid kyi gras su btsugs/ dpal ldan sa skya'i rgyud gdams pa phyag len rnams ma gces spras su mdzad bzhes nas/ sa skya'i bla ma kun dbang gi slob ma/ slob dpon don grub dpal dpon slob kyi brten po mdzad/ mgo 'don bdag rkyen mdzad nas/ 'tshal dbus gling du sa lugs kyi chos brgyud 'dzin pa'i gra sa 'di btsugs/ lha sa gung thang du rgongs kha'i ja tshul 'dzugs pa/ sprang 'gyed lha sar chos rgyal srong btsan