[A:63]
ma/ phyag rgya chen po'i ngo sprod/ dam tshig rgya mtsho'i rtsa ba/ byams pa'i chos lnga'i rtsa 'grel gyi lung la sogs thob/ mkha' 'gro rgya mtsho'i dbang zhus pa bde chen du byon pa'i dus su/ gra pa 'ga' zhig gis sngun ldang ma byas pa la/ chos rje rin po che'i zhal nas/ dge sbyong chen po 'di skye ba mang po 'khor los bsgyur ba'i rgyal po byas pa'i mi yin/ khyed rnams sngun ldang mi byed pa ci yin gsung / de la sogs pa ngo mtshar gyi gtam mang du yod/ dgung snying yang gcig // gshegs pa'i tshes grangs kyang gcig // thugs yang shin tu 'dres pa yin/ sa skya'i bla ma 'jam dbyangs chen po rin chen rgya mtshan pa la/ bde mchog lus dkyil gyi dbang / sgrol ma maDtal bzhi pa/ mngon rtog rgyan 'grel pa dang bcas pa'i bshad pa la sogs thob/ 'jam dbyangs chen po gung thang du byon nas/ 'tshal pa'i bsnyen bkur byas dus/ drung nas mol ba mdzad pa'i dus su/ thun mong ma yin pa'i byin brlabs zhugs nas/ rlung sems dbu mar tshud nas/ gtam gtod ba'i gdangs la sogs phyi rol gyi snang ba 'gags la 'dzin pa med pa'i thugs dam shar gsung / 'gro ba'i mgon po bla ma bzhi thog pa bsod nams rgya mtshan pa la/ kye rdo rje dkyil gyi dbang / mngon rtogs/ sems tsam lugs kyi smon 'jug sems skyed cho ga'i khrigs khong rang gis mdzad pas/ sron po'i lugs kyi sbyor drug gi khrid yig nges don sku bzhi'i lam du 'jug pa/ sron pa chos dpal gyis mdzad pa/ sngon 'gro ba'i lhan thabs snang mdzad rdo rjes mdzad pa/ so sor bsdud dang bsam gtan/