[A:80]
thob/ slob dpon gri pa zar ston bsod nams nas 'od la/ grub pa'i rgyal mo nas brgyud pa'i tshe dpag med thob/ bla ma 'di rnams chos kyi bka' drin ji ltar che ba'i go rim yin gyis/ ngo mtshar che chung dang / mi che chung dang / gral mtho smad dang / dus snga phyi'i go rim ni ma yin no/ de ltar mang du thos pa'i don de ma bsams na/ legs par khong du chud par mi 'gyur bas/ tshul bzhin rtog dpyod yid la byed pas legs par bsam pas/ so so rang gis nges pa'i shes pa 'byung ste/ kun rdzob ni 'di lta bu/ don dam pa ni 'di lta bu/ de gnyis kyi bden pa ni 'di lta bu/ so sor dbye na 'di lta bu gcig bsdud na 'di lta bu gnad kyis mi 'gal 'di lta bu/ 'di'i rgyun las 'di ni 'di ltar 'gyur te/ gzhan du ma yin no snyam du nges pas tha snyad kyi sgro 'dogs chod cing the tshom gyi bskur pa dang bral bar gyur to/ ji ltar thugs su chud pa las gzhan la phan pa'i phyir bstos mdzad pa yang / mos gus bla ma'i dus thabs la/ zhang 'tshal pa'i bka' brgyud rin po che la gsol ba 'debs pa byin gyis brlabs kyi rgyun 'bebs/ bka' brgyud kyi gsol 'debs rgyun chags/ rtog lugs brgyud pa'i gsol 'debs/ 'tshams spyod dang po'i gsol 'debs/ bla bde ring mo'i mgur/ mnyam med rin po che shakyA ye shes kyi rnam thar/ de phyin chad kyi brgyud pa'i rnam thar tho yig // bla ma rin po che'i rnam par thar pa dri ma med par gsal ba/ rje btsun ri bo pa'i rnam thar gsal ba'i sgron me/ gsan yig nor bu'i phreng ba/ smin byed dbang gi rim pa/