[A:8]
'byor yin no la/ skal ba dang shes rab ni/ nges par legs pa zhi ba'i phyogs dang mthun pa'i dpal 'byor yang yin te/ de rnams bdag nyid chen po 'di la ji ltar tshang na/ rigs bzang rnams kyi nang nas mchog tu gyur pa ni/ spyir bod tsam spyan ras gzigs dang / sgrol mas byin gyis rlabs pa theg pa chen po'i rigs can yin mod/ rgya gar ba ltar na rigs bzhi la/ rgyal rigs rgyal che ba dang / bram ze lta ba brtul byung kyis rmongs pa dang / gdol po'i rigs ngan pa'i spyod pa can ma yin te/ rje rigs ya rabs 'phrul gyi brgyud yin no/ de yang sngon gyi yig tshang las byung ba 'od gsal gyi lha las chad pas che ba'i gdung btsun/ kha drag dbal las chad pas srid pa'i lha gnyan/ che brgyud blon du gyur pas thabs dang yig tshang mkhas/ mi rgyus la che gnyan btsun gsum tshang ba brgyud 'gar lags te/ dang por lha yul gnam gyi mthong nas babs pa 'gar tshe gnam tshe 'brug deng g.yu za bod dkar gyi sras/ 'gar mthing na rje/ de'i sras 'gar bla ma khyon chen po khri sgra 'jing smug gis/ 'dzangs pa'i 'phrul byung ba ni/ mal gro khra bo'i ri la/ rgya bod sprin phung 'dra ba 'khrigs pa'i dus su/ dpa' ba'i lam gtad pas/ yig tshang ni rgyal dang mnyam/ dpa' ba'i dpa' mtshan ni rdzi dar smug po/ dgra lha lcags kyi bya khra smad gsum rgyug // dus der khrims bcas te stong thang ni nyi khri bdun stong / 'bangs kyi stong thang ni khri bdun stong / rmas pa gsos ni lha g.yag dkar/