[A:90]
rab tu 'dug snyam pa byung / shing pho spre'u lo zla ba dgu pa la/ na no mkha' spyod kyi byin brlabs zhugs pa'i skabs der/ byin brlabs kyi ye shes babs pa lta bu/ sngon byin brlabs kyi mnga' bdag // rje btsun gyi rgyal po ri bo la dbang zhus pa rnams kyi dus su'ang ma byung / lar byin brlabs 'bebs pa rol mo'i 'ur rgyangs la re dgos pa'i bla ma der mi gda'/ phyag thal mo sbyar zhing spyan nam mkhar gzigs te/ bla ma yid dam rnams gdul bya snod ldan yod do/ byin gyis brlobs shig gsung tsa na/ thams cad la rang dbang med par ye shes rang 'bar du yong gin gda' 'o/ grol byed la/ gzhi lam 'bras gsum gtan la 'bebs pa'i tshogs chos zab mo mdo lnga man ngag snye ma dang / byams chos/ bslab btus/ chos chung brgya rtsa/ be bum dmar po la sogs tshar bcu lnga gsungs pa la/ lung gi chos nges par go ba'i chos nyan stong nyis brgya byung / nyams len 'gag tu 'dril ba'i zab chos/ 'gro ba'i mgon po rin po che'i bka' 'bum tshar dgu gsungs pa la/ rtogs pa'i chos nges par 'khrungs pa'i slob ma gcig brgya dang bcu byung / mdor na/ drung na yod pa'i chos gnyer dang / khrid gnyer rnams kyis grangs zin zhing dkar chag tu thebs pa la/ dpal ldan bla ma dam pa rje btsun rin po che'i chos kyi bka' drin thob nges pa'i skal ldan gdul bya gsum stong chig brgya nyi shu byung 'dug // gzhi byes lam gsum du chos 'brel thor bu ba bstan pa grangs su ma thebs/ bgrang gi mi lang / slob ma rnams kyi nang nas mkhas pa'i mchog // rgyu'i theg pa ston pa la/ chos 'khor gling gi