[A:93]
mkhan po ston sang / ri zan rdog pa'i mkhan po ye shes kun dga'/ 'ju phu ba'i mkhan po gzhon nu 'od zer/ kha rag pa'i gdan sa ba gzhon nu rgya mtshan/ 'bri lung brgyad mchong pa'i slob dpon/ bla ma blo ldan pa'i dbon po dgon rtse'i gdan sa ba tshul khrims rgya mtshan/ bla ma ja nyal ba'i dbon po brag pa'i gdan sa pa don yod rgya mtshan/ mgon dpal gro rin sdings pa'i slob dpon dpal ldan rin chen/ mnga' ris chos lung gi mkhan slob pa slob dpon nam mkha' rgyal mtshan/ gtsang dge brag pa'i slob dpon don grub dpal/ mar yul gyi lha btsun byang chub dpal bzang po la sogs byung / sbas pa'i rnal 'byor pa yon tan dpag tu med pa byon pa rnams bdag cag gis ga la tshor/ de ltar mkhas btsun bzang gsum 'dus/ chos zab rgyas dag gsum ston/ phrin las phan bde grol gsum de la/ gdul bya dus la bab pa'i 'gro don zer ba lags par gda'/ ????????? sku tshe 'dir 'jig rten gyi tshul lugs bzang pos/ dpal dang ldan snyan par grags/ mnga' thang rgyas te/ rang don mthar phyin/ gnyen 'bangs dang srid sde 'khyongs/ yul 'khor skyid de gzhan don mthar phyin/ dam pa'i chos kyis sdig grib dag // bsod nams 'phel/ ye shes brnyes te/ rang don mthar phyin/ gdul bya dul/ phrin las