[A:༧༤ན]པ་ཆེན་པོ་ནི། སྔ་ཕྱི་གཉིས་བྱུང་པའི་ཕྱི་མ་ཡིན་ནོ། །མལ་གྲོར་བུལ་པ་ཆེན་པོ་ནི། རུས་ཀློག་སྐྱ། དགུང་སྟེང་ཡོས། མཚན་དབང་ཕྱུག་རིན་ཆེན། བྱ་ཡུལ་བ་ཆེན་པོ་དང་ཐོག་མར་འབྲོམ་དུ་མཇལ། རྒྱལ་སྟེང་གི་དགོན་པ་བཏབ། དོན་གྲུབ་བཞུགས་སོ། །སྐུ་འཇོལ་པ་ཆེན་པོའམ། བ་ངར་བ་ཆེན་པོར་གྲགས་པས། བ་ངར་གྱི་མཆོད་ཁང་བཞེངས། འཕན་ཡུལ་དུ་རྟ་པ་ཞང་སྒོམ་ཆེན་པོས་རྟ་ཕུའི་དགོན་པ་བཏབ། འབྲོམ་དུ་བཀྲ་ཤིས་སྒང་པ་ཆེན་པོས་སྨོན་གྲོང་གི་དགོན་པ་བཏབ། རྒྱ་མིག་མང་པ་ཆེན་པོ་དང་བརྒྱད་དོ། ཐུགས་ཀྱི་སྲས་བཞིའམ་ལྔ་ནི། རྒྱ་པར་སྒང་ནས། རྒྱ་ཆེན་པོས་རྒྱ་པར་སྒང་གི་མཆོད་ཁང་གསར་རྙིང་གཉིས་བཞེངས། འཕན་ཡུལ་ཆར་རྗེ་ནས་སྣུབ་མཆོད་ནས། དགོན་མཁའ་རུ་བ་ལ་གསུམ་བྱོན་པའི་བར་པ་དང་། གཙང་པ་རིན་པོ་ཆེ་དང་བཞི། སྲས་ལྔར་བྱེད་ན། སྒྱེར་སྒོམ་ཆེན་པོ་གཅིག་ཡིན་ལ། དཔེ་ཁ་ཅིག་ཏུ། ནང་གི་ཆེན་པོར་བགྲང་པ་ཡང་སྣང་བས། མི་འདྲ་བ་ཅུང་ཟད་འདུག་ཀྱང་རྣམ་ཐར་གཙོ་བོར་བྱས་སོ། །དྭགས་པོ་ལྷ་རྗེ་ནི་སྙིང་རྗེ་པད་དཀར་དུ། དགེ་སློང་འཚོ་བྱེད་ཅེས་བྱ་བ་ཐེག་ཆེན་པ་འབྱུང་། ཞེས་ལུང་བསྟན་ཏེ། འཁྲུངས་ཡུལ་མཉལ་བདོ་གཉེར་གཉི་བ། དབུ་རྩོ་རྒྱ་ལ་འབར་གྱི་སྲས་སུ་ས་མོ་ལུགས་ལ་འཁྲུངས། དགུང་ལོ་ཉེར་ལྔ་ལ་དྭགས་པོར་མར་ཡུལ་བློ་ལྡན་དང་། ཤར་པ་གླིང་པ་ལ་རབ་བྱུང་བསྙེན་རྫོགས་ཞུས། མཚན་བློ་གྲོས་གྲགས་པར་བཏགས། བཀའ་རྒྱུད་གསེར་ཕྲེང་དུ། སྐྱ་མིང་དར་མ་གྲགས་དང་། ཆོས་མཚན་བསོད་ནམས་རིན་ཆེན་ཟེར། དེ་ནས