[A:༧༥ན]པའི་ཚུལ་ནི། སྤྱན་སྔ་རྣལ་འབྱོར་གྱི་དབང་ཕྱུག་སྐུ་གཤེགས་ནས། ལོར་གནས་བརྟན་གྱི་བུ་གཞོན་ནུ་སྨོན་ལམ་གྱིས་གདན་ས་ལོ་དགུ དེ་ནས་རྟོགས་ལྡན་སྡིངས་པོ་བ་སྣུབ་ཆོས་འབར་གྱིས་གདན་ས་ལོ་གསུམ། དེ་ནས་གནས་བརྟན་སྨོན་ལམ་བློ་གྲོས་ཀྱིས་ཟླ་བ་བཅོ་བརྒྱད་བྱས། ཡང་སྡིངས་པོ་བས་ལོ་དྲུག་དྲིལ་བས་ལོ་དགུ་མཛད། བདུན་ཅུ་རྩ་བརྒྱད་ལོར་གཤེགས། དེ་ནས་གཙང་པ་རིན་པོ་ཆེ་བྱོན་ནས་གདན་ས་མཛད་དོ། །བྱ་ཡུལ་དུ་སྤྲུལ་སྐུ་ཆེན་པོ་གཤེགས་ནས། དགེ་བཤེས་རྒྱ་སྤྲེའུ་ལོ་པས་གདན་ས་ལོ་ལྔ་མཛད། དྲུག་ཅུ་རྩ་བཞི་པ་རྟའི་ཟླ་བའི་ཉེར་བརྒྱད་ལ་བྱ་ཡུལ་དུ་གཤེགས། དེ་ནས་སྣུབ་མཆོད་གནས་ཁྱི་ལོ་པ་གཞོན་ནུ་རྒྱལ་མཚན་གྱིས་ལོ་ཉི་ཤུ་རྩ་བཞི་མཛད། བརྒྱད་ཅུ་རྩ་དྲུག་པ་མངོན་པར་བྱང་ཆུབ་པའི་ཟླ་བའི་ཚེས་བརྒྱད་ལ་བྱ་ཡུལ་དུ་གཤེགས། དེ་ནས་ལོ་བརྒྱད་གདན་ས་བ་མེད་པའི་རྗེས་ལ། ལོར་གཙང་པ་རིན་པོ་ཆེའི་རྗེས་སུ་རིན་པོ་ཆེ་གླང་ལུང་པ་བཞུགས་པ། མལ་གྲོ་འདར་སྟོན་མོའི་གྲལ་དབུ་ནས་བྱ་ཡུལ་དུ་གདན་དྲངས། དེ་ནས་བྱ་ཡུལ་གྱི་གདན་ས་སྦྲེལ་བའི་སྲོལ་བྱུང་ངོ་། །གཙང་པ་རིན་པོ་ཆེ་ནི་འཁྲུངས་ཡུལ་གཙང་གི་རྔུབས་ཡུལ་རོལ། གདུང་རུས་སྣུབ། ཡབ་སྣུབ་ཨ་ལ་ལ། ཡུམ་རལ་ཆགས་བཟང་ལྕམ་གྱི་སྲས་སུ་འབྲུག་ལོ་ལ་འཁྲུངས། མཚན་ནམ་མཁའ་རྡོ་རྗེར་བཏགས། དཔེ་ཁ་ཅིག་ཏུ་རྡོ་རྗེ་རྒྱལ་མཚན་ཞེས་པ་ཡང་སྣང་། རྟེན་ཚངས་སྤྱོད་ཀྱི་དགེ་བསྙེན་མཛད། གཞོན་ནུའི་དུས་ནས་ཆོས་ཐམས་ཅད་རྨི་ལམ་སྒྱུ་མའི་ཉམས་དང་། མཁའ་འགྲོ་མང་པོ་ཞལ་གཟིགས། དེ་ནས་གཉན་ལོ་