[A:75a]pa'i tshul ni/ spyan snga rnal 'byor gyi dbang phyug sku gshegs nas/ lor gnas brtan gyi bu gzhon nu smon lam gyis gdan sa lo dgu de nas rtogs ldan sdings po ba snub chos 'bar gyis gdan sa lo gsum/ de nas gnas brtan smon lam blo gros kyis zla ba bco brgyad byas/ yang sdings po bas lo drug dril bas lo dgu mdzad/ bdun cu rtsa brgyad lor gshegs/ de nas gtsang pa rin po che byon nas gdan sa mdzad do/ /bya yul du sprul sku chen po gshegs nas/ dge bshes rgya spre'u lo pas gdan sa lo lnga mdzad/ drug cu rtsa bzhi pa rta'i zla ba'i nyer brgyad la bya yul du gshegs/ de nas snub mchod gnas khyi lo pa gzhon nu rgyal mtshan gyis lo nyi shu rtsa bzhi mdzad/ brgyad cu rtsa drug pa mngon par byang chub pa'i zla ba'i tshes brgyad la bya yul du gshegs/ de nas lo brgyad gdan sa ba med pa'i rjes la/ lor gtsang pa rin po che'i rjes su rin po che glang lung pa bzhugs pa/ mal gro 'dar ston mo'i gral dbu nas bya yul du gdan drangs/ de nas bya yul gyi gdan sa sbrel ba'i srol byung ngo / /gtsang pa rin po che ni 'khrungs yul gtsang gi rngubs yul rol/ gdung rus snub/ yab snub a la la/ yum ral chags bzang lcam gyi sras su 'brug lo la 'khrungs/ mtshan nam mkha' rdo rjer btags/ dpe kha cig tu rdo rje rgyal mtshan zhes pa yang snang / rten tshangs spyod kyi dge bsnyen mdzad/ gzhon nu'i dus nas chos thams cad rmi lam sgyu ma'i nyams dang / mkha' 'gro mang po zhal gzigs/ de nas gnyan lo