[A:༨༢ན]ཡིན་ཏེ། ལྷ་བཟོས་མངོན་ཤེས་ལྔ་ཐོབ། སྟོད་ལུང་པ་འཁོར་ལོ་བདེ་མཆོག་དང་གཉིས་སུ་མེད་པར་གཟིགས་གསུངས། ཁྱུང་ཁམས་ཀྱི་སྒྱུ་ལུས་ཀྱི་རྟོགས་པ་བརྙེས། སྟོད་ལུང་པའི་ཞལ་ནས། ཁྱོད་ཀྱི་གདུལ་བྱ་གཙང་དུ་ཡོད་པས་དེར་སོང་། དགོན་པ་ཐོབ། སློབ་མ་བསྡུས་ལ་བདེན་གཉིས་ཤོད། ངའི་བདེན་གཉིས་འདི་མ་དོར་ཅིག་གསུངས་པས། ཁྱུང་ཁམས་གཙང་ལ་འབྱོན་ཁར། བདེན་གཉིས་དང་ཁྱུང་ཁམས་གཙང་ལ་བཞུད། བདེན་ནམ་མི་བདེན། ཕ་བོང་འཕེན་གཡག་ལ་དྲིས་གསུངས་ནས་ཕྱག་མཁར་བརྡབས་པས་ཚལ་པར་གས། དེ་ནས་ཉང་རོ་ཐ་མཚལ་དུ་བྱོན་ནས་སྡིངས་བུ་དགོན་པའི་རྨང་བཏིངས། བདེན་གཉིས་ཆོས་ཚན་བཅུ་གཉིས་སུ་བསྡུས་པ་གསུངས། གཞན་ཕན་བསྐྱངས་པས་སློབ་མ་མང་དུ་འཕེལ་ལོ། བྱ་འདུལ་འཛིན་ནི་འཁྲུངས་ཡུལ་གཙང་རོང་གཡུང་གི་ནང་གི་སྙ་པ། ཡབ་བྱ་རྒྱལ་བ་ལ་སྲས་གཉིས་ཡོད་པའི་གཅུང་པོ། ལྕགས་མོ་ལུག་ལ་འཁྲུངས། གཞོན་ནུའི་དུས་རོང་མནར་མདའ་ཚ་དམར་གྱི་གཙུག་ལག་ཁང་དུ་འབྲེ་ཤེས་རབ་འབར། ཆོས་གཞི་ལ་བྱོན་པ་དང་མཇལ་དུ་བྱོན་པས། ཕར་ཕྱིན་གསུངས་པའི་ལམ་ཤེས་ཀྱི་སྐབས་སུ་སླེབ་ཆོས་གསན་པས། ལྷའི་མེ་ཏོག་གི་ཆར་འབབ་པ་མཐོང་། དད་པ་སྐྱེ་པས། ཡབ་ལ་ཞུས་པས། རབ་ཏུ་བྱུང་། མཚན་བརྩོན་འགྲུས་འབར་དུ་བཏགས། འབྲེའི་ཞལ་ནས། རབ་ཏུ་བྱུང་བས་འདུལ་བ་བསླབ་དགོས་པས་ཐོག་པར་འདུལ་བ་སློབས་གསུངས་པས། ལྡན་དུ་སོག་ཚུལ་ཁྲིམས་བླ་མ། དེ་ནས་རྒྱ་འདུལ་འཛིན་དང་།