[A:༩༠ན]མཁའ་རུ་བ་སྔ་མ། ལོ་ཙཱ་བ་ནག་ཚོ། ཇོ་བོ་ལེགས་དང་བརྒྱད། ཉིང་སློབ་མཁའ་རུ་བ་ཕྱི་མ། དགེ་བཤེས་ཡུང་ང་བ་དང་བཅུ་ལ་བསྟེན་ནས་བཤད་པ་དང་སྒྲུབ་པའི་གདམས་པ་དང་། ཇོ་བོའི་ལོ་རྒྱུས་རྩད་བཅད་པས། ཇོ་བོ་དངོས་ཀྱི་སློབ་མ་རྣམས་གསུང་མཐུན་པར་བྱུང་། ཉིང་སློབ་གཉིས་གསུང་མ་མཐུན་ཏེ། ཁྱད་པར་དུ་བསྟན་རིམ་གྱི་མཚན་འདོགས་ལུགས་ལ། མཁའ་རུ་བ་ཕྱི་མའི་ཞལ་ནས། བསྟན་པའི་སྲོལ་ཁ་བྱ་བ་ཡིན་གསུངས། ཡུང་ང་བའི་ཞལ་ནས། ཁྱོད་ཀྱི་སློབ་དཔོན་བློ་རྟུལ་བས་མ་ཟིན་པར་སྣང་། བླ་མ་རྣམས་བསྟན་པའི་རིམ་པ་ཞེས་གསུངས་པ་ཡིན། དེ་ཡང་། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །བྱ་བའི་དོན་ཡིན་གསུངས། དེ་ནས་རོང་པ་ཕྱག་སོར་བའི་དགོངས་པ་ལ། ཇོ་བོ་དངོས་ལ་ལོ་བཅུ་དགུ་བསྟེན་པའི་ལོ་ཙཱ་བ་ཆེན་པོ་དེ། ད་དུང་མངའ་རིས་གུང་ཐང་ན་བཞུགས་ཡོད་འདུག་པས། ཇོ་བོ་དངོས་སུ་བཞུགས་ཀྱང་ལོ་ཙཱ་བ་བར་དུ་འཇུག་དགོས་པས། དེ་རང་ལ་ཅིག་གཏུག་དགོས་དགོངས་ནས་མང་ཡུལ་དུ་བྱོན་པས། ལོ་ཙཱ་བ་ཆེན་པོ་དེ་གུང་ཐང་ཡང་ཐོག་གི་གཙུག་ལག་ཁང་ན་བཞུགས་པའི་དྲུང་དུ་བྱོན་ནས། དང་པོར་གསང་སྔགས་ཀྱི་གདམས་པ་ཆེ་ཆུང་མང་དུ་ཞུས་ནས་བག་ཕབ། དེ་ནས་ཕྱི་དེ་ལོ་ལ་ཕ་རོལ་ཏུ་ཕྱིན་པའི་སྒྲུབ་པའི་གདམས་པ་དང་། ཇོ་བོ་ཆེན་པོའི་སྐུ་ཆེ་བའི་ཡོན་ཏན་དང་། བོད་དུ་སྤྱན་དྲངས་ལུགས་གསུང་བར་ཞུ་བ་ཕུལ་བས། ལོ་ཙཱ་བའི་ཞལ་ནས། དེ་ལ་ང་མཁས་པ་ཡིན། ལོ་དགུ་བསྟེན། བོད་དུ་