[A:༣༢བ] ཁྱོད་སུ་ཡིན་བྱས་པས། ང་ཡང་བོད་ཅིག་ཡིན། ངེད་རང་བོད་འདི་ཁ་མང་ལ་གཏིང་ལྷོད། གཏམ་ཁམས་ཆེན་སྦེད་མི་ཤེས། བྱ་བ་གལ་ཆེན་གསང་ནས་སྒྲུབ་དགོས་པ་ཡིན། རྒྱ་བརྩོན་སེང་གེ་བོད་ཀྱི་སྤྱི་ཁང་ན་ཡོད་དེར་སོང་ཟེར་ནས། ཁོ་ཡུད་ཀྱིས་སོང་། དེ་ནས་སྲང་རིང་པོ་ཅིག་ལ་ཕྱིན་ཙ་ན་དྲང་སྲོང་རྒན་པོ་ཆུ་ཤིང་གི་འཁར་བ་ཐོགས་པ་ཅིག་དང་འཕྲད་པས། དེ་ན་རེ། ཁྱོད་གང་ནས་འོང་། གང་དུ་འགྲོ། དོན་ཅི་ལ་འོངས་ཟེར་བས། ངེད་བོད་མངའ་རིས་ནས་ཨ་ཏི་ཤ་སྤྱན་འདྲེན་དུ་འོངས་པ་ཡིན། རྒྱ་བརྩོན་སེང་གི་ཁང་པ་གང་ན་ཡོད་བྱས་པས། ཁོ་འཁར་བ་ལ་རྟེན་ནས་ཕྱིར་མིག་གཅུ་བ་ཅིག་བྱས། ད་ནངས་ཀྱི་བྱིས་པ་དེ་བདེན། བོད་ཀྱི་མི་ལ་ཨོལ་མདུད་མེད་པས། སྲང་ནང་གི་མི་འཁྱམས་པོ་ཚུན་ལ་ཡིན་ཚུལ་སང་ངེ་འཆད་པ། ཁྱོད་ཀྱིས་ཀྱང་དོན་འགྲུབ་ཏུ་རེ་བ་ཨང་། ད་ལན་ངའི་རྩར་བྱས་པས་དྲག །ད་ཇོ་བོ་མིན་པ་གཞན་གྱི་རྩར་ཁར་མ་འདོན། རྒྱ་བརྩོན་སེང་ལ་ཟུར་ཙམ་ཟེར་ནའང་རིགས། སྒོ་ངས་བསྟན་ཟེར་ནས་ཁོ་ག་ལེ་སོང་བའི་ཕྱི་ལ། ལོ་ཙཱ་བས་མགྱོགས་པོས་མ་སླེབ། ཁོ་བོད་ཀྱི་སྤྱི་ཁང་སྒོར་བསྒུགས་འདུག་པས། ལོ་ཙཱ་བ་ཡ་མཚན་ཞིང་ཐེ་ཚོམ་དུ་གྱུར་པ་དང་། ཁོ་ན་རེ། བྱ་བ་ཆེན་པོ་བསྒྲུབ་པ་ལ་གོ་ལོ་མགྱོགས་པ་ཡིན། འདོད་ཐག་མ་ཉེ་བར་རི་བོ་འགས་ཀྱིས་འཛེགས། ཁང་པ་འདི་ཡིན་ཟེར། ནང་དུ་ཕྱིན་པ་ན། ལོ་ཙཱ་བ་རྒྱ་བརྩོན་སེང་རྒྱ་དཔེ་ཚན་ཅིག་གཟིགས་ཀྱིན་འདུག་པ་ལ། ཕྱག་རྟེན་གསེར་མཚོན་བྱེད་རེ་ཕུལ་བས། ལོ་ཙཱ་བས་ཁྱེད་རྣམས་དོན་ཅི་ལ་འོངས་གསུངས། དེ་ལ་གོང་གི་ལོ་རྒྱུས་རྣམས་ཞིབ་པར་ཞུས་པས། ཁོང་གི་ཞལ་ནས་ད་ཨ་ཏི་ཤ་གདན་