[A:༣༥བ]འདུག་པས། ལོ་ཙཱ་བའི་རྟོག་པ་ལ་འདི་གཉིས་ཀྱི་དབུས་སུ་ཇོ་བོ་བཞུགས་མི་ཐང་པ་ལ་སྙམ་པ་དང་། བུ་མོ་ན་རེ། རྒྱལ་བའི་མདུན་ན་རྒྱལ་སྲས་བཟང་པོ་སྐྱོང་། །རྒྱལ་བར་གནས་ཀྱང་མ་རྒྱལ་ལྟ་བུར་སྟོན། །རྒྱལ་བའི་མཛད་པ་མཐར་ཕྱིན་འགྲོ་བའི་མགོན། །རྒྱལ་བ་ཡབ་སྲས་གཉིས་ལ་ཕྱག་འཚལ་ལོ། །ཟེར། བྱིས་པ་ན་རེ། གང་དུ་རྒྱལ་བའི་རྣམ་ཐར་སྐྱོང་བ་ན། །བུ་མོ་ཁྱོད་ཀྱང་བདག་གི་ཁྱིམ་འོང་ཞིང་། །བུ་དང་ལོངས་སྤྱོད་དཔལ་འབྱོར་སྤེལ་བ་དང་། །དགའ་བར་འགྲོགས་ཤིང་བར་ཆད་བསལ་འཚལ་ལོ། །ཧེ་ཧེ། ད་ཇོ་བོ་ཡང་བོད་དུ་འབྱོན་རན་ཟེར་ནས་ཁོང་གཉིས་གཞན་དུ་སོང་། སྤྲུལ་པ་ཞིག་ཡིན་པར་ཤེས་ནས། ཇོ་བོ་ལ། ངེད་བོད་ནས་འཕགས་ནས་ཕན་ཐོགས་ཀྱི་སྤྲུལ་པ་ཟམ་མ་ཆད་པ་ཞིག་བྱུང་བ་དེ་རྣམས་ཀྱང་གསུང་པ་དང་། ཕར་གཤེགས་པའི་གོ་ཆ་ཡང་མྱུར་དུ་མཛད་པ་ཞུ་ཞུས་པས། ཇོ་བོའི་ཞལ་ནས། བི་ཀྲ་མའི་ཕོ་བྲང་གི་ལྷོ་སྒོ་ན་བུ་མོ་རས་འཐག་པ་ཞིག་ཡོད། དེ་ལ་དྲིས་གསུངས། དེར་ཕྱིན་ནས་དྲིས་པས། ཁྱེད་བོད་ན་དགེ་བསྙེན་གྲགས་ཆེ་བ་ཇི་སྐད་བྱ་བ་ཡོད་ཟེར་བས། དགེ་གཉེན་ཆོས་འཕེལ་བྱ་བ་ཡོད་བྱས་པས། མོ་ན་རེ། ཨུ་པཱ་སི་ཀ་དེ་ཨ་ཏི་ཤའི་སྲས་པོ་མ་ལགས་སམ། དུས་རྣམས་རྟག་ཏུ་སྤྲུལ་པ་བསྟན་པ་ཡིན། །ཞེས་སོགས་གླུ་བླངས་པས། བལ་པོ་རྫོང་གི་མི་རང་ནས། ཁ་སང་གི་བྱིས་པ་བུ་མོ་གཉིས་ཀྱི་བར་རྣམས་དགེ་བསྙེན་ཆོས་འཕེལ་གྱི་སྤྲུལ་པར་སྣང་བ་ལ་སྙམ་ནས་སེམས་ངལ་སོས་པར་གྱུར། དེ་དུས་ཇོ་བོ་ཉིད་ལ་བླ་མ་དུ་ཧ་ར་ནག་པོ་བྱ་བས། ས་སྤྱད་རིན་པོ་ཆེ་འཕྲུལ་གྱི་མེ་