[A:35b]'dug pas/ lo tsA ba'i rtog pa la 'di gnyis kyi dbus su jo bo bzhugs mi thang pa la snyam pa dang / bu mo na re/ rgyal ba'i mdun na rgyal sras bzang po skyong / /rgyal bar gnas kyang ma rgyal lta bur ston/ /rgyal ba'i mdzad pa mthar phyin 'gro ba'i mgon/ /rgyal ba yab sras gnyis la phyag 'tshal lo/ /zer/ byis pa na re/ gang du rgyal ba'i rnam thar skyong ba na/ /bu mo khyod kyang bdag gi khyim 'ong zhing / /bu dang longs spyod dpal 'byor spel ba dang / /dga' bar 'grogs shing bar chad bsal 'tshal lo/ /he he/ da jo bo yang bod du 'byon ran zer nas khong gnyis gzhan du song / sprul pa zhig yin par shes nas/ jo bo la/ nged bod nas 'phags nas phan thogs kyi sprul pa zam ma chad pa zhig byung ba de rnams kyang gsung pa dang / phar gshegs pa'i go cha yang myur du mdzad pa zhu zhus pas/ jo bo'i zhal nas/ bi kra ma'i pho brang gi lho sgo na bu mo ras 'thag pa zhig yod/ de la dris gsungs/ der phyin nas dris pas/ khyed bod na dge bsnyen grags che ba ji skad bya ba yod zer bas/ dge gnyen chos 'phel bya ba yod byas pas/ mo na re/ u pA si ka de a ti sha'i sras po ma lags sam/ dus rnams rtag tu sprul pa bstan pa yin/ /zhes sogs glu blangs pas/ bal po rdzong gi mi rang nas/ kha sang gi byis pa bu mo gnyis kyi bar rnams dge bsnyen chos 'phel gyi sprul par snang ba la snyam nas sems ngal sos par gyur/ de dus jo bo nyid la bla ma du ha ra nag po bya bas/ sa spyad rin po che 'phrul gyi me