[A:༤༥ན]སུ་ལེན། །ཞེས་བསྟོད་དོ། །གཞན་ཡང་མདོ་སྔགས་ཀྱི་ཆོས་རང་རང་གི་སྐལ་བ་དང་འཚམས་པར་གནང་སྟེ། བོད་ལོག་པར་ལྟ་བ་ལུང་རིགས་ཀྱིས་ཚར་བཅད། ཐེ་ཚོམ་ཟ་བ་སྤང་བླང་གི་མིག་ཕྱེ་ནས་བསྟན་པ་ཆེས་གསལ་བར་མཛད་དོ། །དེ་ལྟར་ན་ཇོ་བོ་ཆེན་པོས་ཆོས་ཀྱི་རྒྱལ་པོ་ལྷ་བཙུན་པ་སོགས་ཀྱི་ཐུགས་དགོངས་རྫོགས་པར་མཛད་ནས། བལ་པོའི་རྒྱལ་པོ་པཎྜི་ཏ་དང་བཅས་པས་གཙུག་ལག་ཁང་བཞེངས་ཚར་བའི་ཞུ་བ་བྱུང་སྟེ་འབྱོན་དུ་ཉེ་བ་ན། ཇོ་བོ་ཆེན་པོ་དགུང་ལོ་རེ་གཅིག་བཞེས་པའི་དུས། བླ་མ་དང་ཡི་དམ་གྱིས་ལུང་བསྟན་པའི་བཤེས་གཉེན་སྟོན་པ་རང་ལོ་སོ་དགུ་བཞེས་པ། དང་པོར་ཡང་གླིང་གསེར་གྱི་ལྷ་ཁང་དུ་མཇལ་ནས་བྱིན་གྱིས་བརླབས་པའི་ཚུལ་སྟོན་པའི་རྣམ་ཐར་གྱི་སྐབས་སུ་འབྱུང་ལ། དེ་ནས་བཤེས་གཉེན་སྟོན་པ་དང་། ལྷ་བཙུན་པས། ཇོ་བོ་རྒྱ་གར་དུ་འབྱོན་དུ་མ་སྟེར། དབུས་ཀྱི་རྒྱལ་ཁམས་སུ་བསུ་བ་གནད་ལ་དགར་བའི་སྤྲིང་ཡིག་ཚིགས་སུ་བཅད་པ་བཅུ་དགུ་པ་བཏང་། བོད་སྟོན་རྣམས་ལ་སློབ་རིང་ལ་ཐབས་དུ་མས་ཇོ་བོའི་ཐུགས་དང་བསྲིངས་ཏེ། རྒྱ་དཔེ་རྟེན་གསུམ་ལ་སོགས་པའི་གཞི་ཐམས་ཅད་བལ་པོར་མ་བཀུར། དེའི་དུས་ཇོ་བོའི་ཕྱག་ཕྱིར་གུང་ཐང་པ། སའི་ས་ཀ ཨུ་པཱ་སི་ཀ ཨེ་ལ་བྷ་རི་ལ་སོགས་པ་དཔོན་སློབ་ཉི་ཤུས་བལ་པོར་བྱོན་ནས། མུ་སྟེགས་བཅིངས་པའི་མཆོད་རྟེན་ནག་པོ་བཞི་མཛད། ཨུ་པཱ་སི་ཀས། བཀྲ་ཤིས་པའི་མཆོད་རྟེན་དཀར་ཆེན་ཞེས་པ་ཆེ་བ་གཅིག་བཞེངས། གུང་ཐང་པས། ཇོ་བོ་ཡབ་སྲས་ཞལ་སྤྲོད་ཀྱི་རས་བྲིས་ཆེ་བ་གཅིག ཨུ་པཱ་སི་ཀས། ཇོ་བོའི་སྐུ་ལ་ལྷ་བཙུན་པ་དང་།