[A:45a]su len/ /zhes bstod do/ /gzhan yang mdo sngags kyi chos rang rang gi skal ba dang 'tshams par gnang ste/ bod log par lta ba lung rigs kyis tshar bcad/ the tshom za ba spang blang gi mig phye nas bstan pa ches gsal bar mdzad do/ /de ltar na jo bo chen pos chos kyi rgyal po lha btsun pa sogs kyi thugs dgongs rdzogs par mdzad nas/ bal po'i rgyal po paNDi ta dang bcas pas gtsug lag khang bzhengs tshar ba'i zhu ba byung ste 'byon du nye ba na/ jo bo chen po dgung lo re gcig bzhes pa'i dus/ bla ma dang yi dam gyis lung bstan pa'i bshes gnyen ston pa rang lo so dgu bzhes pa/ dang por yang gling gser gyi lha khang du mjal nas byin gyis brlabs pa'i tshul ston pa'i rnam thar gyi skabs su 'byung la/ de nas bshes gnyen ston pa dang / lha btsun pas/ jo bo rgya gar du 'byon du ma ster/ dbus kyi rgyal khams su bsu ba gnad la dgar ba'i spring yig tshigs su bcad pa bcu dgu pa btang / bod ston rnams la slob ring la thabs du mas jo bo'i thugs dang bsrings te/ rgya dpe rten gsum la sogs pa'i gzhi thams cad bal por ma bkur/ de'i dus jo bo'i phyag phyir gung thang pa/ sa'i sa ka u pA si ka e la bha ri la sogs pa dpon slob nyi shus bal por byon nas/ mu stegs bcings pa'i mchod rten nag po bzhi mdzad/ u pA si kas/ bkra shis pa'i mchod rten dkar chen zhes pa che ba gcig bzhengs/ gung thang pas/ jo bo yab sras zhal sprod kyi ras bris che ba gcig u pA si kas/ jo bo'i sku la lha btsun pa dang /