[A:༡༩༧ན]ཆེན་བྱང་པར་གྲགས་པ་རྣམས་ཡིན་ཏེ། བདག་ཆེན་ཀུན་དགའ་ལེགས་པ་ཡན་གྱི་གདུང་བརྒྱུད་རྫོགས་ནས་དིང་སང་མི་བཞུགས། ཏ་དབེན་གུ་ཤྲཱི། དེའི་གཅུང་འཇམ་དབྱངས་དོན་ཡོད་རྒྱལ་མཚན་པ། དེའི་གཅུང་ཐམས་ཅད་མཁྱེན་པ་བསོད་ནམས་རྒྱལ་མཚན་དཔལ་བཟང་པོ་སྟེ་སྐུ་མཆེད་གསུམ་ལ་ཤེལ་གྱི་དམ་ག་དང་རིན་ཆེན་སྒང་བླ་བྲང་གནང་། འདི་དག་ལ་དང་པོ་རིན་ཆེན་སྒང་བླ་བྲང་པ་དང་། ཕྱིས་སུ་དགེ་སྡིང་བླ་བྲང་པར་གྲགས། བདག་ཆེན་བློ་གྲོས་པ་ཡན་གྱི་གདུང་བརྒྱུད་རྫོགས་ནས་དིང་སང་མི་བཞུགས། སའི་ལེན་ཀུན་དགའ་ལེགས་པའི་རྒྱལ་མཚན་དཔལ་བཟང་པོ་ལ་དུས་མཆོད་བླ་བྲང་དང་གསེར་གྱི་དམ་ག་གནང་། འདི་པའི་སྒོས་ཀྱི་གདུང་བརྒྱུད་ལ་དུས་མཆོད་བླ་བྲང་པ་དང་། དིང་སང་གདན་ས་ཆེན་པོ་གཞུང་དང་། རྩེ་གདོང་པ་ཞེས་གྲགས་ཤིང་། ལུགས་གཉིས་ཀྱི་སྒོ་ནས་དར་ཞིང་རྒྱས་པར་བཞུགས་པ་འདིའོ། །དེ་ལྟར་བླ་མ་བདག་ཉིད་ཆེན་པོས་ཆོས་སྐྱོང་གི་