[A:375]shrI harSha bha draH A bha ga bha draH ye rang paNDi ta dza ga ta A nanta dzA wa bha draH de'i sras paNDi ta ma hA boddhi/ sa bzangs 'phags pa gzhon nu blo gros/ kun dga' bzang po/ dmar ston pa/ rje btsun dam pa bsod nams rgyal mtshan zhabs/ des bdag la'o/ /gzhung 'di'i rgya dpe bal po'i tshong pa'i lag nas/ 'jam dbyangs don yod rgyal mtshan pa'i phyag tu byung / de'i rjes su kun spangs chos grags dpal bzang pos bdag rkyen mdzad nas/ bi ka ma la shi la'i paNDi ta chen po manydzu shrI dang / bod kyi lo tsA ba sa bzangs pa blo gros rgyal mtshan gyis bsgyur na'ang / bka' med pa la/ mnga' ris pa rdo rje dpal gyis ye rang du kri ya sa mutstsha'i dbang zhus pa'i gtam thos nas/ 'phags pa gzhon nu blo gros dpon slob kyis bal yul ye rang du byon/ paNDi ta ma hA boddhi la dbang lung yongs su rdzogs pa gsan nas/ de las rgyud nas dar zhing rgyas zhes grag go /'di pa rnams kyi lugs la/ bde legs su byed pa'i dkyil 'khor gsum po thun mong ma yin pa dang / gzhan rnams 'phreng ba dang dkyil 'khor dang cho ga phal cher thun mong ba yin pa'i phyir/ bla ma des 'phreng ba yang gsan na dbang rgyun gcig gis gnyis ka thob par bzhed pas na/ sa bzangs pa nas brgyud pa'i 'phreng ba'i dbang yang 'di khas thob par bzhed de/ de ltar na/ bdag cag gi bla ma 'dis/ paN chen nags kyi rin chen la dkyil 'khor thams cad bla med du bkral ba bzhi bcu zhe lngar/ nub dang po 'jam rdor gyi skabs su sa'i cho ga yan chad 'phreng ba nas ji ltar 'byung ba bzhin rgyas par mdzad la/ nub gnyis pa nas dkyil 'khor re re zhing bdag bskyed rdzogs phreng bzhin dang / sa lha sta gon man slob ma sta gon dang bcas pa dang / dkyil 'khor bris sgrub sogs cho ga rdzogs par mdzad