[A:376]nas/ zhag re la dkyil 'khor re rer 'jug cing dbang bzhi rdzogs par gsan pa mdzad 'dug cing / phyis kyang 'jam rdor rdul tshon dang / gzhan rnams ras bris la rten nas/ dkyil 'khor thams cad du so sor bcug nas dbang gcig tu bskur te/ rgyas bsdus tshar gnyis gsan par gnang 'dug pa des na/ paN chen rin po che las rgyud pa'i phreng ba thob pa'i brgyud pa ni/ badzra dha ra/ badzra yo gi nI/ a bhya ka ra gupta/ nA ya ka pA da/ da sha pha la shrI/ bi khya ta de ba/ shrI bha trA/ la li ta badzra/ dharmma gupta/ ratna ka ra/ padma badzra/ ratna kirti/ buddha gho Sha/ ma hA sthA bi ra siddhi shwa ra shrI ba na ratna pA da/ bhaTTa ra ka puNya dzwa dza pA da/ des bdag la'o/ /gal te/ rgyud sde phyi ma phyi ma'i khyad par yod pas thob par mi 'gyur ro snyam na/ a bhyas ma phye bzhin du/ phye nas/ byas pa rnams kyis kyang thob par sems na ci'i slad du mi mtshungs/ 'jug pa phyogs gcig pas kyang 'grub ste/ dkyil 'khor bzhir bcug pas 'grub pa dang khyad par med do/ /'on te dngos cag gis dkyil 'khor so sor dbang ma thob pas mi rung ngo snyam na'ang ma yin te/ hU~M mdzad gsum dang bdud rtsi gsum ma gtogs pa'i dkyil 'khor sum cu rtsa dgu snga nas thob cing / hU~M mdzad phyi ma gsum paN chen brgyud pa rje 'di nyid la so sor zhus yod pas slan chad bdag gis phreng ba'i dbang so sor byas na/
nyan pa po/
'di thams cad thob par 'gyur ro/ /sngar gyi rigs pa de'i phyir/ phreng ba'i 'byung khungs tha pa rnams kye rdor/ bde mchog rdo rje bdud rtsi/ hU~M mdzad la sogs pa rnams re res chog pa'i lugs su byas nas/
gong gi grangs yig nag po rnams/
dkyil 'khor nyi shu rtsa brgyad du dbang bskur zhing /
gtso bo 'pho ba
dbye na lnga bcu'am lnga bcu rtsa lngar yang dbyer 'dod pa de ltar nyer brgyad kyi dbang gi