[A:179]ཤྲེ་ཡ་སེ་ཏུ།
དཔལ་གྱི་འབྱུང་གནས་ཡིད་ཆེས་ལྡན་པའི་རྗེ༎
གྲོལ་བ་མཆོག་གི་ཐར་ལམ་སྟོན་མཁས་པ༎
བློ་གསལ་རྒྱ་མཚོའི་སྡེ་ཡི་གཙུག་གི་རྒྱན༎
བརྒྱུད་ལྡན་བླ་མའི་ཚོགས་ལ་ཕྱག་བགྱིའོ༎
འདི་ལྟར་ལོ་ཟླའི་ཟོལ་གྱིས་ཁྲིད་པའི་མཐར༎
སྐྲ་དཀར་ལྕགས་ཀྱུའི་མཚོན་ཆས་ཉེར་བཟུང་ནས༎
ལང་ཚོ་ཡོལ་བའི་རྒན་པོའི་རང་བཞིན་ལ༎
ངང་གིས་འཇུག་པ་འདི་ཀོ་ངོ་མཚར་རྨད༎
གཞོན་ནུའི་རང་བཞིན་བྱིས་པའི་རང་ཉམས་ཀྱིས༎
ཆོས་བརྒྱད་ཟོལ་ལ་བརྟེན་པའི་སྒེག་ཆོས་ལས༎
རིང་དུ་སོན་པའི་མང་ཐོས་དྲང་སྲོང་བདག༎
ཆག་མེད་བས་མཐའི་གནས་ལ་ཡིད་རབ་འཕྱོ༎
བརྗོད་པའི་ཚིག་གི་དབུ་བས་མི་ངོམས་ཤིང༎
ཐོས་པའི་མིག་དཀྱུས་གཡོ་བའི་ཡིད་དྲངས་ནས༎
ཐ་སྙད་རྟོག་པའི་ལམ་ལ་བགྲོད་པ་ཡི༎
ངལ་བ་འདི་ཀོ་རང་མྱོང་བླུན་པོའི་གཤིས༎
དོན་གྱི་ཁུ་བཅུད་སྙིང་གི་བུམ་བཟང་དུ༎
ཉེ་བར་ལེན་པའི་སྐལ་བཟང་གྲོགས་པོ་དག༎
ཚིག་གི་ན་ཡར་སྤྱོད་པའི་སེམས་བོར་