[A:229]ཚེས་དྲུག་ཡིན་པས་དྲུག་ཅུ་པའི་གཏོར་མ་ཟབ་རྒྱས་བགྱིས། རང་རེ་རང་གི་སྐྱེ་བ་སྔ་མ་ཞང་འཕྲུལ་ཞིག་འབྲུག་སྒྲ་རྒྱལ་མཚན་དུ་སྐྱེ་བ་བླངས་གཤིན་རྗེ་དུས་དགྲ་ནག་པོ་ལ་ཧྲཱིཿ་ཥྚིའི་བཟླས་བསྙེན་དཔག་མེད་བྱས་དུས་ཀྱི་སྣམ་ཕོད་སྙིང་པ་ཏེ་གཏིང་སྐྱེས་པའི་སྔགས་པ་དྲག་པ་ཞིག་གི་ལག་ན་སྣང་བ་བླངས་ནས་གྱོན། འཆི་བདུད་ལས་ཀྱི་གཤིན་རྗེ་དམ་ཅན་ཆོས་རྒྱལ་ལ་དམ་བརྡར་ཞིང་མནའ་ཆུ་སྦྱིན་ནས་གཡར་དམ་བསྐུལ་ཞིང། ཡང་བདག་རང་ས་ཕྱོགས་དེར་ཀུན་མཁྱེན་སངྒྷ་བྷ་དྲར་སྐྱེ་བ་བླངས་དུས་བཀའ་གཉན་གསུང་བསྟོད་དུ་ཁས་བླངས་པའི་དཔལ་མགོན་ཏྲཀྴད་ནག་པོ་དང། འབྲིག་མཚམས་ལྷ་སྲིན་ཡུལ་ལྷ་ཀུན་ལ་དམ་བརྡར་བས་གཏོར་པྲ་བཟང་བ་བྱུང་ཞིང། སྟོད་ཧོར་ཡང་དེའི་ཉིན་ཀ་བློ་བུར་དམག་ཡོང་བ་འདུག་ཟེར་ནས་ལོག་སྐད་དོ༎
དེར་ཧོར་སྐད་དེས་སེམས་ཀྱང་མ་བདེ་ཞིང་སྔར་ཁའུར་ལུང་ཞུ་བ་དང་ད་རེས་ལུང་སྒྲོག་པ་གཉིས་ཀས་ལུས་སེམས་ཐང་ཡང་སྦད་ཆད་སྣང་བས་འཕགས་པའི་བཀའ་འབུམ་ལ་ཆོས་མཚམས་བྱས་ནས། སླར་འབོད་མི་གནང་བ་དང་བསྟུན་ནས་ཚུར་ལམ་ཆུ་འདུས་ཕྱོགས་ན་འབྲུམ་བགས་འདུག་ཟེར་བ་ལ་འཛེམས་ནས་གཏིང་སྐྱེས་ནས་གདོང་ནག་ལ་བྱས། སྲད་རིན་ཆེན་རྩེ་དང་སེང་གེ་རྩེ་ལ་བརྒྱུད་ནས་ཕུ་གསུམ་ལ་བྱས་ར་སར་སླེབ། དེར་ཆོས་མཛད་མ་ཀུན་དགའ་ཆོས་སྒྲོན་གྱི་སྐྲ་བཅད་རྟ་སྒ་འཁྲོ་ཚང་མ་གཅིག་གི་འབུལ་བ་བྱས།
དེ་ནས་ལྷ་རྩེ་ལ་ཐོན་ནས་ངམ་རིངས་སུ་སླེབ་མན་མཁའ་འགྲོ་རྒྱ་མཚོའི་སྐུའི་བླུགས་གཏོང་བའི་བསྲུང་རྒྱབ་ཁ་ཏའི་རིམ་པ་གང་ལ་གང་དགོས་ཡང་ཡང་འཐེམས་པར་བྱས་ཤིང། རབ་གནས་ཀྱི་གཉེན་པ་ཁ་གསོའི་ཕྱེད་དུ་མཁའ་སྤྱོད་བདེ་ལྡན་རང་དུ་ཉིན་རེ་བཞིན་མཁའ་